Dy të plagosur në Podujevë, policia jep detaje

Podujevë, 5 janar 2026 06:44

E plotësuar: Nga QKUK flasin për gjendjen e personave të plagosur në Podujevë.

Personat e plagosur sonte më 04.01.2026 pas të shtënave me armë zjarri në Podujevë janë jashtë rreziku për jetën.

Sipas mjekut kujdestar në Klinikën Emergjente të QKUK-së, Ejup Govori, plagët janë të lehta dhe gjendja e viktimave është stabile.

“Rreth orës 21:30 janë pranuar dy persona të lënduar nga arma e zjarrit. Lëndimet janë të lehta, në ekstremitet e poshtme – këmbë. Do të pastrohen plagët dhe do të lirohen në shtëpi. Gjendja e tyre është stabile”- tha Govori.

Dy persona janë plagosur mbrëmjen e së dielës në Podujevë.

Zëdhënësja e Policisë për rajonin e Prishtinës, Flora Ahmeti, ka bërë të ditur se njësitet policore kanë dalë menjëherë në vendin e ngjarjes, pas raportimit për persona të lënduar.

Ndërsa personat e lënduar janë dërguar për trajtim mjekësor në QKUK.
<span;>Sipas Policisë, në lidhje me këtë rast janë arrestuar dy persona të dyshuar, ndërsa rasti është cilësuar si “vrasje në tentativë.
<span;>Hetimet janë në vazhdim e sipër.