Mitrovicë e Veriut, 5 korrik 2025
Edhe pse nuk u është paraqitur ende zyrtarisht asamblistëve, Kuvendi Komunal i Mitrovicës së Veriut është duke punuar për një rregullore me të cilën synojnë të mbrojnë simbolet shtetërore dhe institucionale, pavarësisht ndërrimit të pushtetit.
Kuvendi Komunal i Mitrovicës së Veriut synon që nëpërmjet një rregulloreje të mbrojë simbolet shtetërore e institucionale, edhe pas ndërrimit eventual të pushtetit.
Edhe pse nuk u deklarua para kamerës, pa dhënë detaje, punën për këtë akt nënligjor e konfirmoi kryesuesi Nexhat Ugljanin.
Njësoj edhe asamblistja e Lëvizjes Vetëvendosje, Aida Ferati-Doli, e cila po ashtu nuk dha hollësi.
Pasi tha se Kuvendi Komunal veçse i ka miratuar simbolet në pajtim me legjislacionin në fuqi, asamblisti Betim Osmani theksoi se asnjë pushtet i ri, pavarësisht përkatësisë etnike, nuk ka arsye të bëjë ndryshime.
Sidoqoftë, propozimi ende nuk u është paraqitur zyrtarisht përfaqësuesve në asamble.
Objekti i komunës së Mitrovicës së Veriut, nën qeverisjen e Listës Serbe nuk ka pasur të ekspozuar asnjë simbol shtetëror të Kosovës.
Flamujt dhe simbolet përcjellëse, në këtë komunë dhe të tjerat me shumicë serbe në veri, u vendosën për herë të parë nën qeverisjet e kryetarëve shqiptarë – të cilët fituan zgjedhjet jashtëzakonshme të 2023-tës, të bojkotuara nga serbët.
Mitrovica mbështet 47 klube sportive me mbi 176 mijë euro subvencione 
Rreth 90% e sipërfaqeve të mbjella u dëmtuan nga breshëri i fuqishëm që goditi dje Istogun 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Podujeva me zonë të re ekonomike, nënshkruhet marrëveshja për Parkun e Përgjithshëm, me mbi 3 milionë euro investim 
Fillon nënshkrimi i peticionit `për një Ferizaj pa Uroshevac` 
Komuna e Gjilanit me Park Industrial 150 hektarësh 
Për gjashtë muaj, 46 viktima në 45 aksidente fatale 
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan 
Lirohet i riu nga Kosova që u ndalua nga policia serbe në Horgosh