Mitrovicë e Veriut, 26 nëntor 2025 11:17
Kuvendi Komunal i Mitrovicës së Veriut, në mbledhjen e fundit të këtij mandati, ka miratuar propozimin e kryetarit të Komunës, Erden Atiq, lidhur me destinimin e një prone të paluajtshme për ndërtimin e një shkolle të re fillore. Ky projekt është një hap i rëndësishëm në interes të përgjithshëm të qytetarëve, veçanërisht të fëmijëve, duke garantuar të drejtën e tyre për arsim dhe edukim cilësor.
Anëtarët e Kuvendit e miratuan propozimin njëzëri, ndërsa Ekzekutivi i Komunës thekson se ky investim është një nga më strategjikët për arsimin dhe për qëndrimin e familjeve në veriun e Kosovës.
Pas miratimit, kryesuesi i Kuvendit, Nexhat Ugljanin, deklaroi se legjislatura ka punuar në kushte presionesh politike dhe bllokadash, por, siç theksoi ai, ka lënë diçka të mirë për komunën.
Kryetari Atiq shtoi se Komuna e Mitrovicës së Veriut nuk duhet më kurrë të jetë peng i vendimeve të këqija ose i mungesës së vullnetit.
Miratimi i këtij propozimi për destinimin e pronës hap rrugën për realizimin e projekteve kapitale, duke e çuar komunën drejt zhvillimit dhe përmirësimit të infrastrukturës arsimore për brezat e ardhshëm.
Shpallet gjendje emergjente në sektorin e mbeturinave në Fushë Kosovë 
Qeveria e Kosovës dhe Komuna e Deçanit investojnë mbi 2.6 milionë euro për banim social 
Bastisje në Kamenicë, arrestohen dy drejtorë të shkollave paralele serbe 
Komuna e Pejës ndan afro 170 mijë euro për mirëmbajtjen e rrugëve në Rugovë 
Suhareka do të bëhet me Qendër Kryesore të Mjekësisë Familjare të re, investim prej 4 milionë euro 
775 mijë euro investim për furnizim më të mirë me ujë në katër fshatra të Mitrovicës 
Sveçla pas operacionit “Reçaku II”: Drejtësia për viktimat nuk parashkruhet 
Sillen në gjykatë të dyshuarit për krime lufte në Reçak 
Mjeku për sulmin me thikë ndaj 27-vjeçarit në Prizren: Nuk mundëm ta shpëtonim, kishte lëndime në gjoks 
Përleshje fatale mes familjarëve në Prizren – 27-vjeçari humb jetën