Mitrovicë e Veriut, 23 nëntor 2025 09:28
Mitrovica e Veriut së shpejti do të vendosë një lidhje të re ndërkombëtare — kësaj radhe me Komunën Wylie nga shteti amerikan i Teksasit. Propozimi për nënshkrimin e bashkëpunimit ndërkomunal, të cilin kryetari i komunës ia ka dërguar Kuvendit Komunal, parashikon krijimin e një bashkëpunimi formal, institucional dhe zhvillimor me këtë qytet teksasian që po rritet me shpejtësi.
Sipas propoozimit të kryetarit të Komunës së Mitrovicës së Veriut, Erden Atiq, qëllimi është forcimi i marrëdhënieve partnere, shkëmbimi i përvojave në fushat e vetëqeverisjes lokale, projekteve zhvillimore, arsimit, kulturës, digjitalizimit dhe ekonomisë. Pritet që bashkëpunimi të realizohet përmes iniciativave të përbashkëta, vizitave zyrtare dhe shkëmbimit të ekspertëve.
Në vendim thuhet se kryetari i komunës dhe administrata komunale do të jenë përgjegjës për zbatimin e aktiviteteve të dakorduara, ndërsa bashkëpunimi hyn në fuqi pas konfirmimit të ligjshmërisë nga Ministria e Administrimit të Pushtetit Lokal.
Ky hap paraqet përpjekjen e Mitrovicës së Veriut për të ndërtuar lidhje të reja ndërkombëtare dhe për t’u hapur drejt partneriteteve jashtë rajonit, gjë që mund të kontribuojë në mundësi zhvillimore dhe projekte të reja në vitet e ardhshme.
Shtrirje e institucioneve të Kosovës në veri, Kompania e Ujësjellësit “Mitrovica” vendoset në Leposaviq bashkë me flamurin e Republikës 
Mitrovica mbështet 47 klube sportive me mbi 176 mijë euro subvencione 
Rreth 90% e sipërfaqeve të mbjella u dëmtuan nga breshëri i fuqishëm që goditi dje Istogun 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Podujeva me zonë të re ekonomike, nënshkruhet marrëveshja për Parkun e Përgjithshëm, me mbi 3 milionë euro investim 
Fillon nënshkrimi i peticionit `për një Ferizaj pa Uroshevac` 
Haxhiu kërkon dënimin e retorikës serbe 
12.230 të vrarë në luftën e Kosovës, Instituti fton qytetarët të plotësojnë listën e viktimave 
Një muaj paraburgim për dy të dyshuarit për krime lufte në Zubin-Potok 
Ministria e Arsimit ndan mbi 103 mijë euro për abetaret e diasporës