Të bashkuar rreth kandidaturës së Leutrim Ajetit për kryetar të Graçanicës

Graçanicë, 7 tetor 2025

Tashmë që kanë mbetur edhe 5 ditë deri te zgjedhjet lokale, kur qytetarët do t’u drejtohen kutive të votimit, për të zgjedhur përfaqësuesit e tyre politik në nivelin lokal për mandatin 4 vjeçar, ekziston një kandidat për kryetar të komunës që ka bërë bashkë partitë rivale, deputetë të të cilave i kanë dal në përkrahje kandidaturës së tij.

Leutrim Ajeti nga Aleanca Shqiptare, me kandidaturën e tij për kryetar të Graçanicës – komunë deri sot e udhëhequr nga Lista Serbe, ka bërë që të tejkalohen ndasitë e partive politike.

Në tubimin që kjo aleancë ka mbajtur mbrëmë, kanë qenë të pranishëm edhe deputetet e Parlamentit të Republikës së Kosovës, Glauk Konjufca (Lëvizja Vetëvendosje), ish-kryetar i Kuvendit, dhe Mergim Lushtaku (PDK), të cilët tashmë publikisht i kanë dal në përkrahje Ajetit.

Duke qenë nënkryetar i  kësaj komune gjatë këtij mandati – pozitë që e kishte ushtruar me profesionalizëm dhe përgjegjësi duke u shërbyer me dinjitet të gjithë qytetarëve, Ajeti po fiton terren dhe është në rrugë të mbarë për të arritur synimin e dëshiruar – jo vetëm nga ai, por edhe nga qytetarët e komunës së Graçanicës.