Prishtinë 4 Tetor 2025
Kombëtarja U19 e Kosovës në futboll do ta nisë ciklin kualifikues për Kampionatin Evropian “Euro 2026” më 8 tetor, me ndeshjen ndaj Norvegjisë, e cila zhvillohet nga ora 15:00.
Përzgjedhësi i Kosovës, Albert Bunjaku, ka publikuar listën prej 20 futbollistësh në të cilët do të mbështetet gjatë këtij raundi kualifikues.
Kosova është pjesë e Grupit 12, së bashku me Norvegjinë, Gjermaninë dhe Armeninë, ndërsa të gjitha ndeshjet e grupit do të zhvillohen në Norvegji.
Pas ndeshjes hapëse ndaj Norvegjisë, Kosova do të përballet me Gjermaninë më 11 tetor dhe me Armeninë më 14 tetor.
Sipas formatit të garës, dy ekipet e para nga secili prej 13 grupeve, si dhe përfaqësuesja më e mirë nga vendet e treta, do të kualifikohen në fazën “Elite Round”, ku i bashkohen Spanjës, e cila është e kualifikuar automatikisht. Raundi elitë do të zhvillohet në pranverën e vitit 2026, ndërsa shtatë përfaqësuese nga kjo fazë do të sigurojnë pjesëmarrjen në turneun final që mbahet verën e ardhshme në Uells.
Kujtojmë se Holanda është kampione në fuqi e Evropianit U19, pas triumfit në finalen e edicionit 2024/25 ndaj Spanjës.
Ballkani pëson humbje, por gjithçka do të vendoset në Prishtinë 
Malisheva mposht 2:0 gjigantin skocez Hibernian 
Dukagjini dhe Malisheva vazhdojnë ëndrrën evropiane, priten përballje interesante me Luganon dhe Hibernianin 
Ballkani humb avantazhin në Irlandë dhe përmbyset nga Bohemians 
Boksieri shqiptar Kristian Prenga do të përballet me Anthony Joshua, më 25 korrik 
Barazon Drita, kualifikimi vendoset në `Fadil Vokrri` 
Policia mohon arrestimin e shtetasit turk: U paraqit si ankues, pas intervistimit u lirua 
Shkarkohet nga detyra kryeprokurori i Gjykatës Ndërkombëtare Penale 
Policia: Krimet e luftës të raportohen vetëm te Drejtoria për Hetim 
Paunoviq mbron deklaratën për “spastrim etnkik” të Kosovës