Lista Serbe gjobitet me 800 euro për vendosjen e pankartave pa leje në ndërtesat banimi

Mitrovicë e Veriut 1 Tetor 2025

Lista Serbe është gjobitur me 800 euro për vendosjen e pankartave në ndërtesat banimi në rrugën “Princi Millosh”, në Mitrovicën e Veriut pa leje nga pronari.

Sipas vendimit të Panelit Zgjedhor për Ankesa dhe Parashtresa (PZAP), ankesën e kishte dorëzuar lëvizja Vetëvendosje.

Me këtë veprim, Lista Serbe ka shkelur një nen të Ligjit për Zgjedhje të Përgjithshme, i cili parashikon se „janë të ndaluara veprimet e subjekteve politike… Vendosja e njoftimeve, pankartave, ose në çdo mënyrë të tjerë të emrave ose sloganeve të tyre lidhur me fushatën zgjedhore brenda ose jashtë ndërtesave publike apo lokaleve, mbi ose pranë rrugëve publike, në sinjalet e trafikut publik brenda ose jashtë ambienteve apo ndërtesave të zëna ose përdorura nga organizatat ndërkombëtare, ose brenda ose në ambiente private pa leje nga pronari ose banorët“.