Qytetarët e Mitrovicës Veriore presin përmirësim të mardhënieve ndëretnike pas zgjedhjeve të 12 tetorit

Mitrovicë e Veriut, 1 tetor 2025

Banorët e Mitrovicës Veriore, kryesisht me përkatësi kombëtare serbe, shprehin shpresën se marrëdhëniet me shqiptarët, me të cilët, siç theksojnë, kanë jetuar gjithmonë së bashku në bashkëjetesë të përditshme, gradualisht do të përmirësohen pas zgjedhjeve të mbajtura më 12 tetor. Shumë prej tyre kujtojnë se gjatë dekadave kanë ndarë të njëjtat rrugë dhe tregje, dhe marrëdhëniet fqinjësore gjithmonë kanë qenë pjesë e jetës së tyre, pavarësisht tensioneve politike që herë pas here kanë ndikuar në marrëdhëniet njerëzore.
“Svetlana Saviq, banore e Mitrovicës për shumë vite, shton: ‘Ne jetojmë këtu dhe jemi mësuar me jetën e përbashkët me fqinjët shqiptarë. Para luftës të gjithë jetonim së bashku, nuk na kishte penguar asgjë. Fqinia ime e parë ishte shqiptare; kafen e parë të mëngjesit e pinim së bashku, ndërkohë që fëmijët tanë flinin.’ Ajo vazhdon me një buzëqeshje: ‘Madje, shpesh përgatisnim ëmbëlsira njëra për tjetrën gjatë festave tona, kur ne kishim Slavën e ata Bajramin; gëzonim së bashku dhe jetonim bukur. Mendoj se ka ardhur koha që brezat e rinj të rriten shëndetshëm, dhe shpresojmë se pas zgjedhjeve do të ketë më shumë mirëkuptim dhe dialog.’”
Të rinjtë nga Mitrovica, Ivan Stojkoviq dhe shoku i tij Adis Hoti, theksojnë se dëshirojnë që qyteti të bëhet një vend ku projektet e përbashkëta, shkollat dhe iniciativat kulturore lidhin njerëzit, në vend që t’i ndajnë ata.
Edhe pse sfidat vazhdojnë të ekzistojnë, banorët e Mitrovicës Veriore besojnë se komunikimi i sinqertë dhe gatishmëria për bashkëpunim mund të kontribuojnë në një bashkëjetesë më të qetë dhe më të qëndrueshme në qytet.