Fillon zbatimi i ligjit për targat – protestë në kohë fushate në Zubin Potok

Zubin Potok, 30 shtator 2025

Sot në qendër të Zubin Potokut është mbajtur një protestë e qetë e qytetarëve serbë, në numër rreth 25 veta, në mesin e të cilëve kishte edhe përfaqësues politik të partive serbe, në kohën e fushatës parazgjedhore, të cilët kanë shprehur kundërshti ndaj vendimit të Qeverisë së Republikës së Kosovës, për riregjistrim të automjeteve me targa të republikës dhe lëshim të dokumenteve personale të Ministrisë së Punëve të Brendshme.

Qeveria e Kosovës kishte zgjatur periudhën e riregjistrimit të automjeteve, për t’u dhënë mundësi qytetarëve serbë, të pajisjen me targa për automjetet e tyre, në kuadër të angazhimit për të zbatim të ligjeve të Kosovës në gjithë territorin e saj, për të gjithë qytetarët që jetojnë brenda hapësirës territoriale të Kosovës.

Në protestën e sotme qytetarët serbë kërkuan zgjidhje ndaj kësaj situate.

Marko Antiq, banor i Zubin Potokut, ka thënë se ky vendim me shumë gjasë ka ardhur si rezultat i negociatave në Bruksel nga ana e negociatorëve, dhe siç theksoi ai, për fat të keq ndikon në jetën e qytetarit të thjeshtë që jeton këtu.