Prishtinë, 26 shtator 2025
Në kuadër të bashkëpunimit ushtarak ndërmjet Forcës së Sigurisë së Kosovës (FSK) dhe Forcave të Armatosura të Republikës së Shqipërisë (FARSH), një delegacion nga Komanda Mbështetëse e FARSH-it, udhëhequr nga Komandanti, Gjeneral Brigade Aleksandër Pando, ka qëndruar në vizitë në Komandën e Logjistikës të FSK-së.
Në njoftimin e bërë për media, thuhet se delegacioni u prit nga zëvendëskomandanti i Komandës së Logjistikës, Kolonel Mehmet Lladrovci, që i njoftoi homologët nga FARSH me të arriturat, sfidat, ngritjen e kapaciteteve, misionin dhe detyrat e Komandës së Logjistikës, Strukturën organizative, aktivitetet dhe zhvillimet tjera në fushën e Logjistikës dhe Mjekësore.
“Gjithashtu është realizuar vizitë në servisin për automjetet e rënda, ku patën mundësinë të shohin nga afër kapacitetet e mirëmbajtjes”, bëhet e ditur në njoftim.
Gjatë kësaj vizite u rikonfirmua përkushtimi i ndërsjellë për thellimin e bashkëpunimit dhe avancimin e mëtejshëm të kapaciteteve logjistike dhe mjekësore, përmes planeve bilaterale dhe shkëmbimit të përvojave dhe praktikave më të mira ndërmjet dy forcave.
Kuvendi miraton në lexim të parë projektligjin për energjinë 
Dislokimi i FSK-së në Gaza, Mehaj: Misionet forcojnë rrugën drejt NATO-s, Kosova po bëhet faktor global i sigurisë 
MINTI cakton çmimet tavan të derivateve të naftës për sot 
Kuvendi i Kosovës me rezolutë për avancimin e përkujdesjes institucionale ndaj shqiptarëve në Luginën e Preshevës 
Bjeshkët e Nemuna bëhen destinacion i skitourizmit evropian — turistë nga e gjithë Europa në Majat e Ballkanit 
Haxhiu i dërgon letër KPK-së: Procesi për kryeprokurorin është i përmbyllur, mos e vononi konkursin 
Mijaçiq: Banjska është rënia e politikës së Vuçiqit në Kosovë 
Me patentë-shofer të falsifikuar nga Serbia tentoi ta konvertonte në RKS, policia nis hetimet