Është zgjatur afati për regjistrimin e popullsisë për komunitetet jo shumicë

Prishtinë 25 Shtator 2025

Afati për regjistrimin e popullsisë për komunitetet jo shumicë është zgjatur deri më 1 tetor të këtij viti, ka njoftuar Ministria e Komuniteteve dhe Kthimit e Qeverisë së Kosovës.

Të gjithë ata që nuk kanë arritur të regjistrohen vitin e kaluar gjatë këtij procesi, por edhe gjatë afatit të ri që përfundoi më 31 gusht të këtij viti, do të kenë mundësi të kryejnë regjistrimin në Agjencinë e Statistikave të Kosovës në Prishtinë deri më 1 tetor.

Informacioni për zgjatjen e regjistrimit të popullsisë nuk mund të gjendet në faqen zyrtare të Agjencisë së Statistikave, as nuk është njoftuar nga kjo agjenci për mediat. Për afatin e ri për regjistrimin e popullsisë, opinionin publik e ka informuar Ministria e Komuniteteve dhe Kthimit në faqen e saj zyrtare, duke theksuar se “më meritori për zgjatjen e afatit është ministri Nenad Rashiq”.

“Ky hap i rëndësishëm tregon qartë përkushtimin e ministrit për mbrojtjen e të drejtave të komuniteteve jo shumicë dhe sigurimin që të gjithë qytetarët të përfaqësohen në mënyrë adekuate”, thuhet në njoftim.