Banjskë, 18 shtator 2025
Disa fotografi të shkrepura sot nga ekipi i Veritasinfo sot në fshatin Korilje, ku janë gjetur pajisje ushtarake (armë, municion dhe pajisje tjera), që lidhet me sulmin terrorist në Banjskë në shtatorin e vitit 2023, tregojnë pamje të objekteve të banimit me mure të larta nga betoni dhe objekte ndërtimi.
Kjo tregon se hapësira ka qenë e rrethuar ku edhe mund të jetë përdorur për magazinim apo fshehje të pajisjeve ushtarake.
Zbulimi i një magazine të tillë lidh më tej Koriljen me ngjarjet në Banjskë dhe hap pyetje për rrjetin e mbështetjes dhe logjistikën që qëndronte pas grupit të armatosur.
Banorët, sipas burimeve jozyrtare, janë të befasuar nga ky zbulim, pasi lokacioni dukej si një pronë private e zakonshme.
Hetimi i organeve kompetente do të tregojë në çfarë mase ky vend është përdorur për përgatitjen e sulmit dhe kush është përgjegjës për ekzistencën e tij.
Sot Policia e Kosovës zbuloi në këtë pronë një sasi armatimi dhe pajisje tjera ushtarake, ndërsa ministri në detyrë i Punëve të Brendshme, Xhelal Sveçla, tha se pajisjet ushtarake janë të grupit terrorist që kreu sulm në Banjskë, ku mbeti i vrarë rreshteri Afrim Bunjaku.
12.230 të vrarë në luftën e Kosovës, Instituti fton qytetarët të plotësojnë listën e viktimave 
Një muaj paraburgim për dy të dyshuarit për krime lufte në Zubin-Potok 
Ministria e Arsimit ndan mbi 103 mijë euro për abetaret e diasporës 
Haxhiu për gërmimet në Kalludër: Zhvillim i rëndësishëm në përpjekjet për ndriçimin e fatit të të zhdukurve 
Publikohet lista preliminare e të vrarëve dhe të zhdukurve në luftë 
Prokuroria Speciale pritet të kërkojë paraburgim për dy të dyshuarit pas zbulimit të varrezës masive në Zubin-Potok 
Aksidenti i rëndë në autostradën “Ibrahim Rugova”, shtatë persona të lënduar 
Haxhiu kërkon dënimin e retorikës serbe