Federata Shqiptare e Futbollit pranoi kërkesën e Federatës Serbe të Futbollit për të luajtur ndeshjen në stadiumin e Leskovcit

Tirana 13 Shtator 2025

Federata e Futbollit e Shqipërisë ka pranuar kërkesën e Federatës së Futbollit të Serbisë që ndeshja e planifikuar për 11 tetor, në kuadër të kualifikimeve të Kupës së Botës, të luhet në stadiumin e Leskovcit.

Burime nga “Shtëpia e Futbollit” në Tiranë thonë se Presidenti Armand Duka dhe anëtarët e Bordit Ekzekutiv janë pajtuar me kërkesën e Serbisë.

Ky vendim nga Shqipëria i hap rrugën UEFA-s që zyrtarisht të miratojë ndeshjen në stadiumin “Dubočica” në Leskovac.

Vendimi i mëparshëm i UEFA-s ishte që kjo ndeshje të zhvillohej në stadiumin “Rajko Mitić” në Beograd, pas kërkesës së parë nga FSS, por tani vlerësohet se kombëtarja serbe do të ketë një shans më të mirë në stadiumin e Leskovacit.

Dy ekipet kombëtare janë pjesë e të njëjtit grup në kualifikueset, aktualisht Shqipëria mban vendin e dytë me 8 pikë pas 5 ndeshjeve të luajtura, dhe Serbia është e treta me 7 pikë nga 4 ndeshje.