Prishtinë, 13 shtator 2025
Sot nis zyrtarisht fushata për zgjedhjet lokale, e cila do të zgjasë deri më 12 tetor, ditë në të cilën qytetarët e Kosovës do të votojnë për përfaqësuesit e pushtetit lokal.
Lëvizja Vetëvendosje aktivitetin e saj hapës e zhvilloi mbrëmë në Prishtinë, një ditë para nisjes zyrtare të fushatës, gjë për të cilën është kritikuar nga organizata që monitorojnë zgjedhjet.
Ndërkohë, partitë tjera politike kanë paralajmëruar për sot aktivitetet e tyre hapëse në kryeqytet. Aleanca për Ardhmërinë e Kosovës është subjekti i parë që e nis fushatën, duke filluar nga ora 13:00 në Prishtinë. Më pas, në ora 14:00, Nisma Socialdemokrate hap fushatën e saj. Lidhja Demokratike e Kosovës e mban tubimin e saj të parë nga ora 18:00 në Pallatin e Rinisë, ndërsa Partia Demokratike e Kosovës nga ora 19:00 në sheshin “Skënderbeu”.
Sipas të dhënave të KQZ-së, në këto zgjedhje garojnë 38 subjekte politike, janë 206 kandidatë të certifikuar për kryetarë komunash.
Të drejtë vote më 12 tetor do të kenë mbi 2 milionë 69 mijë qytetarë. Prej tyre, 2 milionë e 25 mijë e 105 qytetarë do të votojnë brenda Kosovës, ndërsa 43 mijë e 993 me postë. Procesi zgjedhor do të organizohet në 938 qendra të votimit, me gjithsej 2 mijë e 625 vendvotime.
Mitrovica investon në mirëmbajtje të ndriçimit publik 
Serbia i mbajti të fshehura krimet e kryera në Kosovë- Blakaj bën thirrje për ngritje të aktakuzave 
Blakaj: Që nga marrëveshja në Bruksel, s’kemi parë rezultate pozitive për personat e zhdukur 
Aksidenti vdekjeprurës në vendpunishte, Inspektorati i Punës: Shkaku ende nuk dihet 
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit 
Kandiç i kërkon Serbisë të përballet me krimet e luftës 
Avokati Ivan Niniq kërkon rishikim të punës së Prokurorisë Publike për krim të organizuar në rastin “Panda” të vitit 1998