Prishtinë, 05 shtator 2025
Ushtruesi i detyrës së kryeprokurorit të Shtetit, Besim Kelmendi, ka zhvilluar sot një takim me përfaqësues të Bashkimit Evropian, ku u diskutua avancimi i bashkëpunimit ndërmjet sistemit prokurorial të Kosovës dhe BE-së.
Në takim mori pjesë edhe zëvendëskryesuesja e Këshillit Prokurorial të Kosovës, Jehona Grantolli, ndërsa delegacioni i BE-së përbëhej nga Thomas Busch, këshilltar kryesor politik i PSBE-së për dialogun Prishtinë–Beograd, dhe Christian Ramet, këshilltar politik dhe përfaqësues në Prishtinë i PSBE-së për dialogun.
Në njoftim është bërë e ditur se gjatë bisedimeve, u theksua rëndësia e standardeve që ndihmojnë funksionalizimin e sistemit prokurorial, si dhe ndikimi i tyre në procesin e rehabilitimit dhe integrimit në shoqëri.
Kelmendi falënderoi BE-në për angazhimin dhe monitorimin e vazhdueshëm në Kosovë, duke nënvizuar se Bashkimi Evropian mbetet një nga partnerët më të rëndësishëm të sistemit prokurorial të Republikës së Kosovës.
Ministria e Infrastrukturës investon 1.85 milionë euro për rrugën Arllat – Malishevë 
Gjenden mbetje mortore në Rahovec 
Gara: Serbia ende fsheh varreza masive, mbi 1,560 persona vazhdojnë të jenë të zhdukur 
Të enjten në autostrada kufizohet qarkullimi i automjeteve me mbi 20 tonë (11:00-17:30) 
Hetemi: Mbi 80% e shqiptarëve të vrarë në luftë kanë qenë civilë 
12.230 të vrarë në luftën e Kosovës, Instituti fton qytetarët të plotësojnë listën e viktimave 
SHBA-ja kryen sulme të “rënda“ ndaj Iranit, lufta zgjerohet në më shumë vende