Bukuresht, 30 korrik 2025
Shkëndija shkëlqen në Bukuresht, kalon në raundin e tretë të Champions League.
Shkëndija e Tetovës ka arritur një kualifikim historik në raundin e tretë të kualifikimeve për Ligën e Kampionëve, pasi e mposhti FCSB-në me rezultat 2-1 në ndeshjen e kthimit, të zhvilluar në “Arena Nationala” të Bukureshtit.
Skuadra vendase kaloi në epërsi në minutën e 28-të, kur Juri Cisotti shënoi pas një asistimi të Daniel Birligeas. Por reagimi i tetovarëve erdhi shpejt, vetëm pesë minuta më vonë, pas një rrëmuje në zonë, Liridon Latifi gjeti rrjetën dhe barazoi rezultatin në 1-1.
Heroi i mbrëmjes për Shkëndijën ishte Vane Krstevski, i cili në minutën e 87-të realizoi një gol spektakolar me parabolë, të devijuar lehtë nga mbrojtja kundërshtare, duke vulosur fitoren 2-1.
Me këtë triumf, Shkëndija kalon më tej në raundin e tretë, ku do të përballet me skuadrën azere Qarabag. Kujtojmë se në takimin e parë në Shkup, Shkëndija kishte fituar me rezultat 1-0, duke e mbyllur përballjen e dyfishtë me shifrat 3-1 në total.
Ndërkohë, FCSB do ta vazhdojë aventurën europiane në Europa League, ku do të përballet me Dritën nga Kosova.
Prenga e rrëzoi dy herë Joshuan, por britaniku fitoi me nokaut 
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan 
Ballkani pëson humbje, por gjithçka do të vendoset në Prishtinë 
Malisheva mposht 2:0 gjigantin skocez Hibernian 
Dukagjini dhe Malisheva vazhdojnë ëndrrën evropiane, priten përballje interesante me Luganon dhe Hibernianin 
Ministria e Infrastrukturës: Po vazhdojnë punimet për mirëmbajtjen e autoudhës 
Mbi 1 mijë aplikantë më shumë se vitin e kaluar në Universitetin e Prishtinës 
Kurti: Nga 1 tetori nis faturimi i ujit në veri 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe?