Prishtinë 17 korrik 2026 17:19
Qeveria në detyrë e Republikës së Kosovës ka mbajtur mbledhje elektronike, në të cilën ka miratuar disa vendime.
Së pari, qeveria miratoi vendimin për dhënien në shfrytëzim afatgjatë pa kompensim të pronave të menaxhuara nga Agjencia Pyjore e Kosovës, për nevojat e Kompanisë Rajonale të Ujësjellësit KRU “Mitrovica” Sh. A., me qëllim të realizimit të projektit për sigurimin e furnizimit me ujë të pijshëm, për Komunën e Leposaviqit.
Më pas, qeveria po ashtu miratoi edhe vendimin për ndarjen e mjeteve buxhetore në vlerë prej 255,153.45€, për pajisjen me tekste mësimore në gjuhën shqipe për nxënësit shqiptarë, që vijojnë mësimin në gjuhën shqipe në Preshevë, Bujanoc dhe Medvegjë, për vitin shkollor 2025/2026.
Gjatë mbledhjes u miratua vendimi për ndarjen e mjeteve financiare në shumë prej 40,000€, për mbështetjen e organizimit dhe realizimit të ngjarjeve me karakter ndërkombëtar në fushën e inovacionit, teknologjisë, ndërmarrësisë dhe transformimit digjital, të cilat kontribuojnë në promovimin e Republikës së Kosovë, forcimin e imazhit të saj ndërkombëtar dhe zhvillimin e ekosistemit vendor, si dhe në rritjen e dukshmërisë ndërkombëtare të Republikës së Kosovës përmes organizimit të iniciativave dhe eventeve të njohura globale në këto fusha.
Mjetet në fjalë do të ndahen për organizatat, si në vijim:
Goethe-Institut heq fusnotën nga emri i Kosovës 
Kosova për herë të parë në Olimpiadën e Inteligjencës Artificiale 
Shkëputen kontratat e punës për 20 zyrtarë të MMPH-së nga komuniteti serb 
Investime në infrastrukturë, rehabilitohen skarpatet e Autoudhës “Ibrahim Rugova” 
Lista Serbe hesht pas deklaratave të Paunoviqit për “spastrim etnik” në Kosovë 
Pesë vjet pas aksidentit tragjik, në Slavonski Brod të Kroacisë do inaugurohet pllaka përkujtimore në nderim të viktimave nga Kosova 
Qeveria merr disa vendime, ndan sërish mjete për libra për nxënësit e Luginës