Sonte gjysmëfinalja e dytë e Ligës së Kampionëve, Atletico Madrid – Arsenal

Prishtinë, 29 prill 2026 20:08

Gjysmëfinalja e Ligës së Kampionëve mes Atletico Madridit dhe Arsenalit paralajmëron një duel të fortë, mes dy ekipesh që njihen për mbrojtjen e fortë, por edhe kundërsulmin e shpejtë.

Atletico vjen në këtë fazë i ngritur moralisht pas eliminimit të Barcelonës, duke arritur gjysmëfinalen për herë të parë që nga 2016/17 dhe tani synon të shkojë një hap më tej, drejt finales ku nuk ka qenë që nga sezoni 2015/16.

Në anën tjetër, Arsenali ka arsye të besojë, pasi e ka mposhtur Atleticon me rezultat 4-0 në fazën e grupeve, ndërsa arma kryesore e “Topçinjve” mbetet mbrojtja: vetëm pesë gola të pësuar në 12 ndeshje në këtë edicion të Ligës së Kampionëve.