Prishtinë 24 Prill 2026
Policia e Kosovës ka bërë të ditur se është duke hetuar një rast të dyshuar për falsifikim dokumenti në Leposaviq, i cili lidhet me konvertimin e një patentë-shoferi.
Sipas njoftimit, rasti ka të bëjë me një aplikim të bërë më 7 prill nga një qytetar për ta konvertuar patentë-shoferin e lëshuar nga Serbia në dokument të Republikës së Kosovës.
Pas verifikimeve të kryera nga autoritetet, është ngritur dyshimi se dokumenti nuk është lëshuar nga organet përkatëse të Serbisë dhe mund të jetë i falsifikuar.
Rasti është cilësuar si “Legalizim i përmbajtjes së rreme” dhe mbetet në hetim.
“Leposaviq 07.04.2026 – 10:00. Më 24.04.2026 është iniciuar rasti, pasi që i dyshuari mashkull kosovar, kishte aplikuar për konvertimin e patentë shoferit të lëshuar nga Serbia në patentë shofer të Republikës së Kosovës. Pas verifikimit dyshohet që patentë shoferi nuk është lëshuar nga organet e Serbisë, dyshohet të jetë i falsifikuar. Rasti nën hetime”, thuhet në raportin 24-orësh të Policisë.
Perandoria kriminale në vlerë 80 milionë euro në Kosovë, zbulim i jashtëzakonshëm i organeve kosovare në bashkëpunim me EUROPOL-in 
Therje me thikë në Gjilan, arrestohen dy persona 
Operacion i gjerë kundër krimit të organizuar dhe trafikimit të narkotikëve, aksione në disa lokacione të Kosovës 
Ndalohet në Bërnjak vetura me targa serbe, pasagjerit i gjenden rreth 30 mijë euro 
Kosova fiton dhe siguron Ligën B dhe “play-off”-in e Botërorit 2027 
27 vjet nga marrëveshja e Kumanovës, që solli lirinë dhe fundin e Serbisë në Kosovë 
Rashiq: Serbët iu nënshtruan presionit e shantazhit nga Lista Serbe