16 Korrik 2025
Drita e Gjilanit ka shënuar sukses historik të martën mbrëma, duke u bërë skuadra e parë kosovare që kualifikohet në raundin e dytë kualifikues të Ligës së Kampionëve.
Që nga edicioni 2017/18, kur ekipet kosovare nisën të marrin pjesë në kualifikimet e Champions League, asnjëra prej tyre nuk kishte arritur deri në këtë fazë.
Kampionia në fuqi e Kosovës eliminoi kampionin e Luksemburgut, Differdange. Pas fitores 1:0 në “Fadil Vokrri” javën e kaluar, Drita e vulosi kualifikimin në Luksemburg me një tjetër fitore, këtë herë 3:2.
Arb Manaj, heroi i takimit të parë, shkëlqeu sërish duke shënuar dy gola të shpejtë. Ai realizoi për 1:0 në minutën e 4-t dhe e dyfishoi rezultatin në të 17-tën, pas një aksioni të gjatë e tollovie në zonë. Vendasit reaguan me golin e Theo Brusco në minutën e 28-të, dhe pjesa e parë u mbyll 2:1 për Dritën.
Fundin e ndeshjes e shoqëroi dramë e madhe. Në minutën e 89-të, Samir Hadji barazoi nga penalltia për 2:2, por vetëm katër minuta më vonë, në të 93-tën, Veton Tusha shënoi pas një kundërsulmi të shpejtë, duke i dhënë Dritës fitoren historike dhe festën e madhe të kualifikimit.
Prenga e rrëzoi dy herë Joshuan, por britaniku fitoi me nokaut 
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan 
Ballkani pëson humbje, por gjithçka do të vendoset në Prishtinë 
Malisheva mposht 2:0 gjigantin skocez Hibernian 
Dukagjini dhe Malisheva vazhdojnë ëndrrën evropiane, priten përballje interesante me Luganon dhe Hibernianin 
26 Korriku, dita kushtuar policëve që sakrifikuan jetën për Kosovën 
Për gjashtë muaj, 46 viktima në 45 aksidente fatale