Prishtinë, 16 dhjetor 2025 20:49
Sulmuesi i Paris Saint-Germainit, Ousmane Dembele është shpallur futbollisti më i mirë i vitit nga FIFA.
Dembele është fitues i çmimit The Best.
Këtë çmim e ndan FIFA për lojtarin më të mirë të vitit në futboll.
Dembele fitoi çmimin për sukseset që ka arritur me PSG-në, ku përfshihet edhe triumfi në Ligën e Kampionëve.
Ai më parë e ka fituar edhe “Topin e Artë”.
Për çmimin “The Best’, Dembele fitoi në konkurrencë me Kylian Mbappen e Lamine Yamalin.
Ndërkohë, Aitana Bonmati u shpall më e mira te futbollistet duke fituar çmimin “The Best” pas “Topit të Artë”.
Ceremonia u mbajt të martën mbrëma në Doha të Katarit.
