Leposaviq, 11 dhjetor 2025 09:54
Dy femra në Koshuticë të Leposaviqit kanë raportuar se në oborrin e shtëpisë kanë vënë re një person të shtrirë dhe me plagë në pjesë të ndryshme të trupit.
Plagët dyshohet të jenë shkaktuar nga një mjet i mprehtë, raporton IndeksOnline.
Sipas policisë, viktima është rreth 40-vjeçar, shtetas i Sirisë. Ai është dërguar për trajtim mjekësor në Spitalin e Mitrovicës së Veriut dhe më pas u transferua në atë të Mitrovicës së Jugut.
Policia po ashtu ka raportuar për një tjetër person me plagë të ngjashme, po ashtu sirian.
“Me raport shtesë, rreth orës 11:05 jemi njoftuar se njësiti nga SPMK-ja Jarinjë, gjatë patrullimit në fshatin Koshuticë, ka vërejtur një person, mashkull sirian, i moshës 27-vjeçare, me lëndime në kokë dhe këmbë, që dyshohet se plagët janë shkaktuar nga mjeti i mprehtë”, deklaron policia.
Viktima ka njoftuar se rasti ka ndodhur një natë më parë dhe i dyshuari është larguar në drejtim të kufirit të Serbisë.
“Njësiti i emergjencës viktimën e kanë dërguar në Spitalin e Mitrovicës së Jugut, për trajtim të mëtutjeshëm”, deklaron policia.
Perandoria kriminale në vlerë 80 milionë euro në Kosovë, zbulim i jashtëzakonshëm i organeve kosovare në bashkëpunim me EUROPOL-in 
Therje me thikë në Gjilan, arrestohen dy persona 
Operacion i gjerë kundër krimit të organizuar dhe trafikimit të narkotikëve, aksione në disa lokacione të Kosovës 
Ndalohet në Bërnjak vetura me targa serbe, pasagjerit i gjenden rreth 30 mijë euro 
Haxhiu përfaqëson Kosovën në samitin SEECP në Sofje 
Kosova fiton dhe siguron Ligën B dhe “play-off”-in e Botërorit 2027 
27 vjet nga marrëveshja e Kumanovës, që solli lirinë dhe fundin e Serbisë në Kosovë 
Rashiq: Serbët iu nënshtruan presionit e shantazhit nga Lista Serbe