Prishtinë, 2 dhjetor 2025 14:13
Kapiteni i kombëtarës së Kosovës, Amir Rrahmani ka zënë vend në ekipin më të mirë të Serie A për edicionin 2024/2025. Rrahmani udhëhoqi mbrojtjen e Napolit, që fitoi titullin kampion të Italisë.
Pas marrjes së çmimit, Rrahmani ka theksuar se po punon çdo vit që të përmirësohet.
Kurse, “Sky Sport Italia” ka shktuar se Rrahmani ishte njëri prej lojtarëve më konstantë mes dy titujve.
“Trajnerë të ndryshëm, nga Spalletti te Conte, dhe me shumë lojtarë të larguar pas titullit të vitit 2023 si Osimhen, Kvara dhe Kim, Napoli solli lojtarë të rinj të rëndësishëm. Por Rrahmani mbeti. Fillimisht në dyshe me Kim, e më pas me Buongiorno, ai luajti në të gjitha 38 ndeshjet dhe është lider i vërtetë. Rrahmani dhe Bastoni fituan në konkurrencë me Acerbin, Buongiornon dhe Ndickan”, ka shkruar ‘Sky Sport Italia’.
Ceremonia e shpalljes së më të mirëve të edicionit të kaluar, e njohur si “Gran Gala del Calcio”, u mbajt në Milano dhe organizohet nga Shoqata Italiane e Futbollistëve (AIC).
Rrahmani dhe Alessandro Bastoni i Interit u shpallën mbrojtësit më të mirë të qendrës. Denzel Dumfries i Interit u shpall mbrojtësi i djathtë më i mirë, ndërsa Federico Dimarco (Inter) mbrojtësi i majtë më i mirë. Portieri më i mirë u zgjodh Mile Svilar i Romës, ndërsa mesfusha më e mirë e edicionit përbëhej nga Nicolo Barella (Inter), Scott McTominay (Napoli) dhe Tijjani Reijnders (Milan). Holandezi Reijnders aktualisht luan te Manchester City.
Sulmuesit më të mirë të kampionatit u shpallën Lautaro Martinez i Interit, Moise Kean i Fiorentinës dhe Mateo Retegui i Atalantës, i cili tani është te Al-Qadsiah.
Ndërkohë, mesfushori skocez i Napolit, Scott McTominay, u shpall lojtari më i mirë i edicionit 2024/2025 në Serie A.
Përzgjedhja e ekipit më të mirë u bë me vota të lojtarëve. Interi u përfaqësua me pesë lojtarë, Napoli me dy, ndërsa Roma, Milani, Fiorentina dhe Atalanta me nga një lojtar.
Rrahmani vazhdon të jetë pjesë vendimtare e mbrojtjes së Napolit, që sërish është në garë për titullin kampion të Italisë.
Kosova mirëpret elitën e xhudos në Kampin Ndërkombëtar 
Ballkani do ta kërkojë përmbysjen e madhe sonte në Evropë 
Drita kualifikohet në raundin e tretë të Conference League 
Sonte Drita-Floriana, në rrethin e dytë të Ligës së Konferencës 
Prenga e rrëzoi dy herë Joshuan, por britaniku fitoi me nokaut 
Kosova e mbyll me fitore Kampionatin Ballkanik U17, mposht Moldavinë në tre sete 
Pacolli: 17 vila janë rrënuar deri tash përreth Ujmanit 
Kurti për gërmimet në Zubin Potok: Pengimi i Serbisë s’e ndalë Kosovën në kërkim të së vërtetës dhe drejtësisë 
Deri më tani 6 trupa të gjetur gjatë gërmimeve në Zubin Potok 
Parandalohet plani i një grupi kriminal për vrasje dhe sulme me armë e eksploziv