1 Korrik 2025
Vendimi i presidentit amerikan, Donald Trump, për të shkurtuar pjesën më të madhe të financimit amerikan për ndihmën humanitare ndërkombëtare mund të shkaktojë më shumë se 14 milionë vdekje deri në vitin 2030, sipas një raporti të publikuar në revistën mjekësore “The Lancet”.
Sipas kërkimit, një e treta e atyre që rrezikojnë të vdesin para kohe janë fëmijë.
Sekretari amerikan i Shtetit, Marco Rubio, kishte deklaruar në muajin mars se administrata e presidentit Trump kishte anuluar mbi 80 për qind të të gjitha programeve në Agjencinë Amerikane për Zhvillim Ndërkombëtar (USAID), ka raportuar BBC.
“Për shumë vende me të ardhura të ulëta dhe të mesme, tronditja e shkaktuar do të ishte e krahasueshme me një pandemi globale ose një konflikt të madh të armatosur”, ka thënë Davide Rasella, bashkautor i raportit të “The Lancet”.
Shkurtimet në financime “rrezikojnë të ndalojnë papritur – dhe madje të përmbysin – dy dekada përparim në shëndetësi për popullatat e cenueshme”, ka shtuar Rasella, një studiues në Institutin e Barcelonës për Shëndetin Global.
Raporti është publikuar në kohën kur dhjetëra udhëheqës botërorë do të mblidhen këtë javë në qytetin spanjoll të Seviljes për një konferencë ndihmash të udhëhequr nga Kombet e Bashkuara.
Duke analizuar të dhëna nga 133 vende, ekipi i studiuesve vlerësoi se financimet nga USAID-i kishin parandaluar 91 milionë vdekje në vendet në zhvillim midis viteve 2001 dhe 2021.
Sipas parashikimeve, shkurtimet mund të dërgojnë në mbi 14 milionë vdekje të shmangshme deri në vitin 2030. Ky numër përfshin mbi 4.5 milionë fëmijë nën moshën pesë vjeç ose rreth 700,000 vdekje fëmijësh në vit.
Departamenti për shkurtime të shpenzimeve në administratën Trump, i udhëhequr më parë nga miliarderi Elon Musk, synonte të zvogëlonte forcën punëtore federale. Mes tjerash administrata gjithashtu ka akuzuar USAID-in për mbështetje të projekteve liberale.
SHBA-ja, që është deri tani ofruesi më i madh i ndihmës humanitare në botë, ka vepruar në më shumë se 60 vende, kryesisht përmes kontraktorëve.
Ushtria amerikane nis një valë sulmesh kundër Iranit pas rrëzimit të helikopterit “Apache” 
Van Bremt: Anëtarësimi i Malit të Zi në BE do të ishte një “skenar i tmerrshëm” për regjimin e Vuçiçit 
Pas rastit të Tivatit, Serbia i hakmerret Malit të Zi – ndalon pasagjerët me pasaporta malazeze në aeroportin e Beogradit 
Bien çmimet e naftës pasi Izraeli e Libani pajtohen për armëpushim 
Hezbollahu pranon planin amerikan për armëpushim me Izraelin 
CNN: Irani po kërcënon një tjetër ngushticë jetike që mund t’i trazojë edhe më tej tregun e naftës 
Suhareka do të bëhet me Qendër Kryesore të Mjekësisë Familjare të re, investim prej 4 milionë euro 
Biblioteka Kombëtare me ekspozitë `KFOR and Kosova +25` 
Maqedonci priti studentët nga Zvicra: Kosova po forcon rolin e saj në sigurinë evropiane 
775 mijë euro investim për furnizim më të mirë me ujë në katër fshatra të Mitrovicës