LIVE: Barazon Kosova 1:1

22:20

Kosova ka shënuar golin e barazimit, pas një gjuajtje të saktë të Florent Muslisë (74′)

___________________________________________________

21:54

Zvicra ka shënuar gol me anë të Vargas, në minutën e 47

__________________________________________________

Prishtinë, 18 nëntor 2025 21:36

Është mbyllur pjesa e parë e ndeshjes Kosovë – Zvicër në stadiumin “Fadil Vokrri”.

Pas 45-minutëshit të parë, rezultati i ndeshjes është 0-0.

Zvicra e nisi më mirë ndeshjen, në dhjetë minutat e parë, duke pasur iniciativën, por pa krijuar diçka të rrezikshme.

Më pas, Kosova e Franco Fodës e mori drejtimin e lojës në duar, duke krijuar dy raste shënimi.

Fillimisht ishte Veldin Hodza që pati një goditje jo të mirë, të cilën e priti Gregor Kobel i Zvicrës.

Pak minuta më vonë, Kosova rrezikoi edhe përmes Vedat Muriqit, i cili goditi me kokë, por që goditja ishte jashtë portës.

Ndeshja po luhet në kuadër të xhiros së fundit të kualifikimeve të rregullta për Botërorin e vitit 2026.

Momentalisht, Kosova ka 11 pikë, derisa Zvicra ka 14 sosh. Me këtë rezultat, Zvicra shkon në Botëror direkt, teksa Kosova – siç edhe dihej – do të shkojë në “play-offin” e Botërorit, që zhvillohet në muajin mars.