Sfidat e tetorit, Dardanët sot mbajnë stërvitjen e radhës

Prishtinë, 7 tetor 2025

Kombëtarja e Kosovës në futboll, sot do të mbajë stërvitjen e radhës në prag të ndeshjeve të tetorit.

Dardanët më 10 tetor do të përballen me Slloveninë në ‘Fadil Vokrri’, kurse, tri ditë më vonë luajnë në udhëtim tek Suedia, ndeshje këto që do të zhvillohen në kuadër të kualifikueseve për Kupën e Botës 2026.

Kosova dje ka zhvilluar seancën e parë stërvitore, stërvitje e cila u zhvillua në atmosferë pozitive, me përkushtim dhe energji të lartë nga futbollistët, të cilët janë maksimalisht të motivuar për të dhënë maksimumin në këto duele vendimtare.

Sipas FFK-së, seanca e radhës do të zhvillohet sot, në orën 17:00.