Beograd 26 Qershor 2025
Tash e disa muaj në Serbi po zhvillohen protesta masive të udhëhequra nga studentet e fakulteteve të Beogradit dhe Novi Sadit, mirëpo protesta në përkrahje të studentëve po zhvillohen në të gjitha qytetet e Serbisë.
Pushteti në Serbi nuk qëndron duarkryq ndaj këtyre protestave. Presidenti i Serbisë, Aleksandar Vuçiç dhe vartësit e tij, studentëve protestues u kanë dhënë epitetin e “bllokuesve”, ndërsa kauzën e tyre e kanë cilësuar si “Revolucion me ngjyra”, madje duke akuzuar disa vende perëndimore se qëndrojnë prapa këtyre protestave.
Në anën tjetër, për t’i shtypur këto protesta, pushteti i Vuçiçit ka angazhuar të gjithë mekanizmat shtetëror, përfshirë edhe Agjencinë e Sigurisë së Informacionit (BIA), e cila po e përdorë praktiken e viteve të ’90-ta që e zbatonte në Kosovë, duke kidnapuar njerëzit.
Kjo praktikë po zbatohet edhe ndaj studentëve protestues. Pasi disa muaj më parë, gjashtë operativë të BIA-s kidnapuan studentët Mila Pajiq dhe Dorotea Antiq, të mërkurën në mbrëmje u kidnapua edhe studenti Stefan Tomiq.
Më herët politikanja opozitare, Marinika Tepiq kishte deklaruar se këto kidnapime nga ana e BIA-s po kryhen me urdhër të Darko Beçiqit, përndryshe vëllait të Igor Beçiqit, kryetar Bordit të Partisë Progresive (SNS) në pushtet për Kontrollin e Shërbimeve të Sigurisë.
Shkarkohet nga detyra kryeprokurori i Gjykatës Ndërkombëtare Penale 
Entiteti i Bosnjës, Republika Serbe lobon me miliona në SHBA për pavarësinë e saj 
Europol godet rrjetin e kontrabandës së migrantëve përmes Serbisë 
SHBA nis valë të re ajrore kundër Iranit 
Mali i Zi mbyll sot dy kapituj të tjerë negociatash me BE-në 
Shkon në 30 numri i të vdekurve nga zjarri në Bangkok, autoritetet hetojnë për neglizhencë 
Lirohet i riu nga Kosova që u ndalua nga policia serbe në Horgosh 
Mërgimtari humb jetën rrugës për Kosovë, u aksidentua në Milano 
2 Korriku promovon Kosovën në Gothia Cup me rezultat dhe traditë 
Bajrami: Kosova meriton më shumë nga BE-ja