Vdekje e dyshimtë në Podujevë?

Podujevë, 28 shtator 2025

Një burrë është gjetur pa shenja jete mëngjesin e së dielën në rrugën “Bedri Bajrami” në Podujevë.

Zëdhënësja e Policisë për rajonin e Prishtinës, Flora Ahmeti për tëvë1.info ka bërë të ditur se vdekjen e viktimës e ka konstatuar ekipi mjekësor në vendin e ngjarjes.

Sipas Ahmetit, policia në koordinim me prokurorin e shtetit ka nisur një hetim për të sqaruar plotësisht rrethanat e rastit.

“Rreth orës 08:30,kemi pranuar informatën se një person pa shenja jete në rrugën “Bedri Bajrami” në Podujevë. Vdekjen e viktimës (mashkull) e ka konstatuar ekipi mjekësor në vend ngjarje. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, ka thënë Ahmeti.