Shortim relativisht i lehtë për skuadrat kosovare në Europë

Tri Skuadrat kosovare kanë mësuar emrat e kundërshtarëve të tyre në kuadër të kualifikimeve në garat evropiane.

Drita e Gjilanit do të përballet me kampionin e Luksemburgut, Differdange 03, në raundin e parë kualifikues të Ligës së Kampionëve.
Ndeshja e parë do të zhvillohet më 8 apo 9 korrik në stadiumin “Fadil Vokrri” në Prishtinë, ndërsa e kthimit më 15 apo 16 korrik në Luksemburg.

Ndërsa Prishtina do të përballet me skuadrën e njohur moldave, Sheriff Tiraspol, në raundin e parë kualifikues të Ligës së Evropës.
Liga e Evropës është gara e dytë kontinentale për nga rëndësia.
Sheriffi do të jetë vendas në ndeshjen e parë, ndërsa Prishtina në të dytën. Ndeshjet e raundit të parë kualifikues të Ligës së Evropës janë më 10 e 17 korrik.
Prishtina paraqitet në Ligën e Evropës si fituese e Kupës së Kosovës në futboll.

Ndërasa Vikinguri i Islandës do të jetë kundërshtari i parë i Malishevës në Ligën e Konferencës.
Malisheva e mbylli sezonin në vendin e tretë në edicionin 2024/2025 në Superligën e Kosovës në futboll.

Shorti për raundin e parë kualifikues të Ligës së Konferencës u tërhoq të martën pasdite në Nyon të Zvicrës.