Operacion i gjerë kundër krimit të organizuar dhe trafikimit të narkotikëve, aksione në disa lokacione të Kosovës

Prishtinë, 9 qershor 2026 09:21

Një operacion i gjerë policor kundër krimit të organizuar, trafikimit ndërkombëtar të narkotikëve dhe pastrimit të parave është duke u zhvilluar sot në disa lokacione të Kosovës, nën monitorimin e Prokurorisë Speciale të Republikës së Kosovës.
Sipas një njoftimi të përbashkët të Prokurorisë Speciale dhe Policisë së Kosovës, aksioni po realizohet në bazë të urdhëresës së Gjykatës Themelore në Prishtinë dhe lidhet me hetimet për veprimtari të dyshuara kriminale që përfshijnë trafikimin ndërkombëtar të substancave narkotike, përcjell VeriasIno.
Autoritetet kanë bërë të ditur se operacioni po zhvillohet në kuadër të hetimeve për veprat penale “pjesëmarrja ose organizimi i grupit kriminal të organizuar”, “blerja, posedimi, shpërndarja dhe shitja e paautorizuar e narkotikëve”, si dhe “pastrimi i parave”.
Në këtë aksion, përveç institucioneve të Kosovës, po marrin pjesë edhe përfaqësues të EUROPOL-it, si dhe autoritete nga Belgjika, Franca dhe Holanda, duke dëshmuar bashkëpunimin ndërkombëtar në luftën kundër rrjeteve të krimit të organizuar.
komunë.