Prishtinë, 8 qershor 2026 07:48
Një person është therur për vdekje në orët e mbrëmjes në Gjakovë, pas një përleshje mes disa personave.
Rastin e ka konfirmuar zyrtarja për informim e Policisë së Kosovës për rajonin e Gjakovës, Vlera Krasniqi.
Sipas saj, një person ka ndërruar jetë dhe tre të tjerë kanë mbetur të lënduar.
“Rreth orës 21:30 kemi pranuar informatën për një përleshje fizike në rrugën “Ali Ibra” në Gjakovë. Si pasojë e këtij incidenti, katër persona kanë pësuar lëndime trupore dhe kanë pranuar trajtim mjekësor në Qendrën Emergjente të Spitalit Rajonal në Gjakovë, njëri nga të lënduarit ka ndërruar jetë si pasojë e plagëve të marra, dyshohet nga një mjet i mprehtë, ndër të lënduarit është edhe personi i dyshuar”, ka thënë Krasniqi.
Sipas saj, dyshohet se motivi i kësaj ngjarje tragjike kishte nisur pas një zënke mes fëmijëve.
“Njësitë relevante policore kanë dalë menjëherë në vendngjarje dhe, në koordinim me prokurorin e shtetit, po ndërmarrin të gjitha veprimet e nevojshme hetimore për zbardhjen e plotë të rrethanave, motivi dyshohet të jetë një zënkë mes fëmijëve”, ka thënë Krasniqi.
Kërcënohen me vrasje Ramush dhe Daut Haradinaj 
Raportohet për një bombë në Shkollën Fillore “Stana Baqanin” në Leshak, rasti nën hetim 
Arrestohet i dyshuari për vrasjen e rëndë në Vitomiricë të Pejës 
Një person humb jetën në vendin e punës në Istog 
Policia gjen armatim në shtëpinë ku u vra Arlinda Zekaj 
Vritet një grua në Vitomiricë të Pejës, i dyshuar kunati i saj 
Dy serbë nga Mali i Zi që luftojnë për Rusinë kërcënojnë kryeministrin Kurti 
Kurti: Aktgjykimi ndaj ish-krerëve të UÇK-së duhet të korrigjohet sa më parë 
As serbët nga veriu i Kosovës nuk i dhanë mbështetje të plotë Aleksandar Vuçiçit