25 korrik 2025
Fyerjet raciste, gjestet diskriminuese dhe sjelljet e papërshtatshme të tifozëve serbë gjatë ndeshjes kualifikuese të Kupës së Botës 2026 kundër Andorrës i kanë kushtuar shtrenjtë Federatës Serbe të Futbollit. Për këto shkelje, FIFA ka vendosur një sanksion të rëndë.
Sipas një njoftimi zyrtar, Komiteti Disiplinor i FIFA-s ka gjobitur Federatën Serbe me 50 mijë franga zvicerane dhe ka urdhëruar mbylljen e 15% të tribunave pas portave (rreth 8,100 vende) për ndeshjen e ardhshme kualifikuese në shtëpi, më 9 shtator, kur në Beograd do të zbresë Anglia.
Federata Serbe ka reaguar menjëherë, duke u bërë thirrje tifozëve të shmangin incidentet.
“Jemi nën vëzhgim nga FIFA dhe UEFA. Ka zero tolerancë për sjellje të tilla. Çdo incident i ri mund të sjellë sanksione më të rënda dhe të çojë që ndeshja me Shqipërinë, më 11 tetor në Beograd, të luhet para tribunave bosh”, thuhet në deklaratën e federatës.
Nëse edhe në përballjen ndaj Anglisë përsëriten incidente të ngjashme, Serbia rrezikon dënime edhe më të ashpra, përfshirë mundësinë që ndeshja me Shqipërinë të zhvillohet pa praninë e publikut.
Lojërat Mesdhetare “Prishtina 2030”, mundësi historike për investime dhe zhvillim në Kosovë 
Kosova fiton katër medalje në Botërorin e Muaythait 
Kampioni bie në Drenas, Feronikeli ’74 merr fitoren e parë në kampionat 
BILD raporton se Erblin Osmani ende nuk e ka zgjedhur Kosovën 
Lutfi Dalipi, 20-vjeçari ylli shqiptar në Zvicër: Katër gola e shtatë asistime – e kontaktojnë edhe kombëtarja e Portugalisë 
“Shkruhet historia”, Kosova merr flamurin e Lojërave Mesdhetare 2030 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme 
Video-lajm: Protuestuesit revoltohen para ndërtesës së EULEX-it 
Rama reagon pas vendimit në Hagë: `MARRE`