U mbyt në një lum në Itali, i riu nga Malisheva raportohet se la pas tre fëmijë

Prishtinë, 1 qershor 2026 14:10

Një ngjarje tragjike është raportuar në Itali, ku një i ri nga Komuna e Malishevës ka humbur jetën.

Bëhet fjalë për Meridon Sefer Krasniqi nga fshati Damanek i Malishevës, i cili dyshohet se është mbytur derisa po lahej në një lum në Orzinuovi të Italisë.

Sipas një familjari i cili ka folur për Klankosova.tv, i ndjeri ka qenë i martuar dhe ka lënë pas tre fëmijë.

I njëjti ka konfirmuar se kishte shkuar për t’u larë në lum, por dyshohet se për shkak të rrezikut të zonës ka humbur jetën.