Aksident me fatalitet në Gjakovë, humb jetën një punëtor pasi u zu nga kamioni

Prishtinë 30 Prill 2026 12:41

Në fshatin Meqë të Gjakovës, një person ka humbur jetën në vendin e punës.

Sipas hetimeve fillestare, dyshohet se gjatë procesit të punës shoferi i një kamioni ka humbur kontrollin mbi mjetin, i cili ka rrëshqitur.

Si pasojë, një punëtor, i cili ndodhej në afërsi të mjetit, ka mbetur i bllokuar poshtë kamionit.

Në vendin e ngjarjes kanë intervenuar menjëherë njësitë policore, zjarrfikësit dhe ekipi i emergjencës mjekësore.

Pavarësisht ndërhyrjes, mjeku kujdestar ka konstatuar se viktima ka ndërruar jetë.

Kështu ka bërë të ditur zëdhënësja e Policisë për rajonin e Gjakovës, Vlera Krasniqi,

Policia ka bërë të ditur se po ndërmerren të gjitha veprimet e nevojshme për të sqaruar rrethanat e plota të këtij rasti tragjik.