Milan, 14 Korrik 2025
Futbollisti i njohur kroat, Luka Modric, është zyrtarizuar si lojtar i ri i klubit italian AC Milan.
Tridhjetë e nëntë vjeçari ka nënshkruar një kontratë njëvjeçare me klubin nga Milano, me mundësi vazhdimi deri në vitin 2027.
Modric largohet nga Real Madrid pas plot trembëdhjetë viteve të kaluara te gjiganti spanjoll, ku ka fituar gjithçka. Me Real, ai ka zhvilluar 597 ndeshje dhe ka fituar njëzet e tetë trofe, përfshirë gjashtë Champions League dhe katër tituj kampioni në La Liga. Ndeshjen e tij të fundit me Real e luajti kundër Paris Saint-Germain, në humbjen 4-0 në Botërorin e Klubeve.
I njohur si një nga mesfushorët më të mirë në historinë e futbollit, Modric ka bërë histori edhe me kombëtaren kroate. Ai ka luajtur 188 ndeshje me Kroacinë dhe ka shënuar njëzet e tetë gola. Në vitin 2018, Modric e udhëhoqi Kroacinë në finalen e Kupës së Botës dhe fitoi çmimin e madh “Topi i Artë”, duke u shpallur futbollisti më i mirë në botë.
Te Milan, Modric do të mbajë fanellën me numrin 14, duke u bërë pjesë e një mesfushë ku tashmë luajnë edhe Youssouf Fofana, Yunus Musah, Ruben Loftus-Cheek dhe së fundi Samuele Ricci.
Milan sezonin e ri në Serie A do ta nisë më 23 gusht, kundër ekipit të sapopromovuar, Cremonese.
Lojërat Mesdhetare “Prishtina 2030”, mundësi historike për investime dhe zhvillim në Kosovë 
Kosova fiton katër medalje në Botërorin e Muaythait 
Kampioni bie në Drenas, Feronikeli ’74 merr fitoren e parë në kampionat 
BILD raporton se Erblin Osmani ende nuk e ka zgjedhur Kosovën 
Lutfi Dalipi, 20-vjeçari ylli shqiptar në Zvicër: Katër gola e shtatë asistime – e kontaktojnë edhe kombëtarja e Portugalisë 
“Shkruhet historia”, Kosova merr flamurin e Lojërave Mesdhetare 2030 
Video-lajm: Protuestuesit revoltohen para ndërtesës së EULEX-it 
Rama reagon pas vendimit në Hagë: `MARRE` 
Albulena Haxhiu porosi familjes së Thaçit, Veselit, Krasniqit e Selimit: Kosova është me ju 
Specialja dënon Kadri Veselin me 18 vjet burgim