14 Korrik 2025
Chelsea kampion i botës pas fitores bindëse 3-0 ndaj PSG-së
Chelsea ka triumfuar në finalen e Kupës së Botës për Klube, duke mposhtur Paris Saint-Germainin me rezultat të pastër 3-0.
‘Blutë e Londrës’ e nisën ndeshjen në mënyrë të shkëlqyer, pa asnjë ndjenjë inferioriteti ndaj kampionit evropian. Skuadra e drejtuar nga Enzo Maresca kaloi në epërsi në minutën e 22-të, kur Cole Palmer realizoi një gol të bukur për rezultatin 1-0.
Vetëm tetë minuta më vonë, Palmer shënoi edhe golin e dytë, duke vulosur një pjesë të parë të dominuar nga Chelsea.
Megjithë epërsinë, londinezët nuk u ndalën. Ata vazhduan të kërkonin golin e tretë dhe ia dolën në minutat e fundit të pjesës së parë. Palmer, protagonist absolut i finales, asistoi me një pasim preciz sulmuesin Joao Pedro, i cili mposhti Donnarumman me klas për rezultatin përfundimtar 3-0.
Në pjesën e dytë, PSG mori më shumë kontroll në lojë, por pa arritur të krijojë ndonjë rast serioz për të rrezikuar portën e Chelsea-t. Blutë menaxhuan me maturi avantazhin dhe siguruan fitoren e madhe, duke u shpallur kampionë të botës për klube.
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan 
Ballkani pëson humbje, por gjithçka do të vendoset në Prishtinë 
Malisheva mposht 2:0 gjigantin skocez Hibernian 
Dukagjini dhe Malisheva vazhdojnë ëndrrën evropiane, priten përballje interesante me Luganon dhe Hibernianin 
Ballkani humb avantazhin në Irlandë dhe përmbyset nga Bohemians 
Për gjashtë muaj, 46 viktima në 45 aksidente fatale 
Lirohet i riu nga Kosova që u ndalua nga policia serbe në Horgosh