Plagoset një person në Skenderaj (E plotësuar)

E plotësuar:

Policia e Kosovës, nëpërmjet zëdhënësit të saj, Avni Zahiti, ka konfirmuar incidentin.

“Rreth orës 21:04, Policia ka pranuar informacion për të shtëna me armë zjarri në rrugën “28 Nëntori”, në Skenderaj.

Sipas të dhënave fillestare, një person i moshës madhore ka mbetur i plagosur nga arma e zjarrit dhe është dërguar në spital për trajtim mjekësor.

Në vendin e ngjarjes janë gjetur gëzhoja, ndërsa njësitet përkatëse policore janë duke zhvilluar hetime për identifikimin dhe arrestimin e personit të dyshuar”, është shprehur Zahiti për Veritasinfo.

Skenderaj, 9 mars 2026 22:05

Një incident me armë zjarri ka ndodhur sonte në rrugën “28 Nëntori” në qytetin e Skenderajt, ku, sipas informatave nga vendi i ngjarjes, është plagosur një person.

Ndihma e shpejtë e Qendrës Kryesore të Mjekësisë Familjare është dëgjuar tek shkon në vendin e ngjarjes, për t’i dhënë ndihmën e parë personit të plagosur.

Pas ndihmës së parë, ai është tranposrtuar në spitalin e Mitrovicës për trajtim të mëtejmë mjekësor.

Ndërkohë, Veritasinfo ka provuar të marrë në telefon Policinë e Kosovës, për këtë rast, mirëpo deri në momentin e raportimit, personi përgjegjës për komunikim me publikun nga Policia e Kosovës, nuk është përgjigjur në telefon.

Për momentin nuk dihen shkaqet që kanë cuar deri të incidenti.