Igli Tare: Ardon Jashari dëshiron të transferohet te Milani, oferta jonë është shumë e mirë

Drejtori sportiv i Milanit, Igli Tare, ka folur për mediat gjatë prezantimit zyrtar të trajnerit Massimiliano Allegri. Ai ka zbuluar se Ardon Jashari, mesfushori i Club Brugge, ka shprehur dëshirën të bëhet pjesë e ekipit kuqezi dhe se klubi italian ka dorëzuar një ofertë shumë të mirë për shërbimet e tij.

> “Dua të përfitoj nga ky rast për të falënderuar Allegrin dhe stafin e tij për entuziazmin që sollën në fillimin e këtij kapitulli të ri. Ardhja e tij në Milano u mirëprit menjëherë – tek ai pamë një figurë të rëndësishme që sjell përvojë, ide të qarta dhe mbi të gjitha një mentalitet fitues në ekip”, tha Tare.

I pyetur për situatën e Ardon Jasharit, ai u shpreh:

> “Nuk më duket e përshtatshme të flasim gjatë për këtë çështje në një konferencë që nuk ka të bëjë direkt me merkaton. Megjithatë, situata është e njohur për të gjithë: Jashari dëshiron të luajë për Milanin.

Në të njëjtën kohë, ne respektojmë dinamikat dhe kontratën që ai ka me Club Brugge. Besojmë se kemi bërë një ofertë shumë të mirë, edhe në respekt të historisë së klubit dhe futbollit belg. Shpresoj që kjo histori të përfundojë me një fund të lumtur – si për Milanin, ashtu edhe për vetë lojtarin.”