Finalja e tretë ne futsal, kush do të shpallet kampion?

Sot, duke filluar nga ora 20:00 në Pallatin e Rinisë dhe Sporteve në Prishtinë, zhvillohet finalja e tretë në futsal mes FC Prishtina 01 dhe FC Drenica.

Kjo ndeshje  është e treta me radhë, pasi aktualisht kemi rezultat të barabartë sa u përket ndeshjeve të fituara nga skuadrat që kanë arritur në finale.

FC Drenica e kishte fituar ndeshjen e parë me rezultat 4 me 1, si mysafire e Prishtinës 01, por rezultati u përmbys në Skenderaj në ndeshjen e dytë, ku skuadra mysafire e fitoi ndeshjen me një gol ë diferencë (Drenica 6:7 Prishtina 01).

Në këtë situatë, kampioni i Kosovës përcaktohet në ndeshjen e tretë.

A do të arrijë Drenica të sjellë edhe një trofe në këtë qytet, pas fitores së titullit kampion në Ligën e parë nga Klubi I Futbollit Drenica, apo Prishtina do të shënojë fitoren e dytë dhe të shpallet kampion duke ruajtur kështu statusin e kampionit. Kjo mbetet të shihet sonte duke filluar nga ora 20:00, dhe ne do ju mbajmë të informuar për rezultatin.