Krasniqi përfaqësueses së Listës Serbe në KQZ: Duhet me të ardh marre kur përmend kulturën, përfaqëson një subjekt që ka vra njerëz

Prishtinë 21 Nëntor 2025 16 : 04

Anëtari i KQZ-së nga radhët e Lëvizjes Vetëvendosje, Alban Krasniqi ka thënë se përderisa lejohet funksionimi i Listës Serbe në Kosovë, nuk ka demokraci ato komuna që udhëhiqen nga ta dhe se po ju bëjnë presion qytetarëve serbë, raporton Ekonomia Online.

Kjo deklarata nxiti diskutim të ashpër mes Krasniqit edhe Gordana Laban të Listës Serbe.

“Sa i përket Listës Serbe këtu është shumë e qartë deh derisa ky subjekt të funksionojë kështu dhe t’i lejohet funksionimi nga institucionet tona nuk do të ketë demokraci në ato komuna dhe komuniteti serb vuan sot nga presioni deh shtypja që i bën Lista Serbe nga përfaqësues i saj që është Vuiçiq është kreatori i saj”, tha

Krasniqi i tha asaj se nuk mbron qytetarët serbë në Kosovë, duke i kërkuar që të mos flas për kulturën meqënesë përfaqëson një subjekt që ka vra njerëz.

“Ti shpesh thirresh ne emër të qytetarëve të serbë por kurrë s’i ke mbrojtë qytetarët serbë. Ti je ajo që i ke luftuar subjektet tjera politike serbe këtu, në favor të Listës Serbe. Kulturën prej terroristes, kriminele çfarë je nuk mundesh me na tregu këtu. Ty duhet me të ardh marre kur na përmend kulturën këtu sepse përfaqëson një subjekt që ka vra njerëz”, tha Krasniqi.

Ai më tej tha se “Nëse je përfaqësuese e Listës Serbe atëherë je përfaqësuese e një organizatë terroriste, kriminale. Pikë. Ti lidhje s’ke me përfaqësimin e qytetarëve serbë në Kosovë dhe kjo është fyerja më e madhe që i bën asaj”.