Herceg Novi, 23 tetor 2025
Policia në Herceg Novi të Malit të Zi raportohet se ka ndaluar dy persona, që raportohet se janë tifozë të KB Bashkimit, “Arpaxhikët”.
Kjo pasi një pjesë e banorëve kanë raportuar se disa persona po shkruanin sllogane në mbështetje të Ushtrisë Çlirimtare të Kosovës (UÇK).
Të revoltuar nga këto veprime, banorët vendës kanë tentuar të shkojnë deri te autobusi, por policia e ka siguruar atë dhe thuhet se po bëhen të gjitha përpjekjet për sigurimin e rendit dhe qetësisë publike dhe ndëshkimin e protestuesve.
Sipas RTCG, autobusi ishte duke lëvizur drejt Shqipërisë dhe është aktualisht nën mbrojtjen e policisë në Igalo.
Dy shtetasit e Kosovës, mediat malazeze raportojnë se janë dërguar në Departamentin e Sigurisë së Herceg Novit dhe po procedohen.
Tifozët e Bashkimit ishin duke u kthyer nga Italia me një autobus, dhe hynë në Mal të Zi nëpërmjet pikës kufitare Debeli Brijeg. Ata ndaluan në Meljine në një furrë buke dhe atje thuhet se shkruan grafitet me të kuqe në një stacion transformatorësh.
Dy personat që dhanë deklarata në stacionin e policisë së Herceg Novit raportohet se do të dalin para një gjyqtari për kundërvajtje sonte.
Policia thuhet se do të veprojë sipas vendimit të gjyqtarit. Nëse të dyshuarit shpallen fajtorë, mund të gjobiten, të dëbohen nga vendi dhe t’u ndalohet hyrja në Mal të Zi.
Aksident me fatalitet në Vragoli, humb jetën një këmbësor e lëndohen dy të tjerë 
Kërkohet paraburgim ndaj shtetasit të Serbisë që u zu në flagrancë duke importuar armë 
Vrasje aksidentale brenda familjes në Strellc të Deçanit 
Arrestohet shoferi i dehur që shkaktoi aksidentin fatal në magjistralen Mitrovicë-Prishtinë 
Goditet rrjeti i rekrutimit të punëtorëve me skuter nga Turqia 
Aksident në magjistralen Mitrovicë–Prishtinë, një grua e humb jetën 
Policia: Krimet e luftës të raportohen vetëm te Drejtoria për Hetim 
Paunoviq mbron deklaratën për “spastrim etnkik” të Kosovës 
Arrestohet një shtetas turk, i dyshuar për pjesëmarrje në Masakrën e Krushës