Vrasja në Ferizaj: Çfarë dihet deri tani?

Ferizaj, 16 shtator 2025

Mbrëmjen e së hënës, në fshatin Balaj të Ferizajt,  Brahim Ramusa, i moshës rreth 40-vjeçare, u vra pasi u qëllua me armë zjarri.

Burime të Klan Kosovës bëjnë të ditur se viktima është qëlluar me katër plumba në stomak dhe nuk i ka mbijetuar plagëve.

Zëdhënësi i policisë për Rajonin e Ferizajt, Kanun Veseli, për Klankosova.tv ka konfirmuar arrestimin e të dyshuarit dhe sekuestrimin e armës së krimit.

“Policia ka arrestuar të dyshuarin dhe ka sekuestruar një armë zjarri. Rasti është duke u hetuar nga njësitë relevante nën udhëheqjen e prokurorit të shtetit”, tha Veseli.

Sipas burimeve, i dyshuari për vrasjen është një burrë rreth të 50-tave, gjithashtu me inicialet B.R., që dyshohet të jetë djali i axhës së viktimës.

Mes tyre raportohet se ka pasur mosmarrëveshje të mëhershme.

Viktima la pas katër fëmijë të mitur.

“38-vjeçari B.R nuk i mbijetoi plagëve që mori nga katër plumbat në stomak nga i dyshuari B.R, rreth 50-vjeçar që drejt tij kishte gjuajtur rreth pesë herë. I ndjeri ka lënë prapa katër fëmijë të tij në moshë të vogël dhe gjendja e familjarëve është e rëndë”, u shpreh tutje ajo.

Ndërkaq, Policia tha se rasti është duke u hetuar nga njësitë relevante nën udhëheqjen e prokurorit të shtetit.