Arritje e madhe e Ardian Krasniqit, i teti në botë

Prishtinë, 31 Gusht 2025

Nipi i legjendës Luan Krasniqit, Ardiani, ka shënuar arritjen më të madhe në karrierë e tij të deritashme, duke u renditur i teti në botë në boksin botëror.

Falë fitoreve të vazhdueshme, Krasniqi po i afrohet gjithnjë e më afër ëndrrës, garës për titullin e kampionit të botës.

Mediumi gjerman “Nrwz.de” raporton se Krasniqi synon që së shpejti të luftojë me Dmitry Bivol, që e mban titullin e kampionit të botës, e njëkohësisht konsiderohet si një nga boksierët më të fortë dhe teknik të kësaj epoke.

Klaus Muller, shefi për promovim ka besim se Krasniqi mund ta arrijë titullin kampion.

“Jemi jashtëzakonisht krenar se Ardiani është një ndër boksierët më të mirë në botë. Me pozitën e tetë në botë, ëndrra e kampionit është e kapshme për të, dhe për ne si skuadër. Por, kjo ëndërr duhet shumë punë për t’u realizuar”.

“Beteja e ardhshme më 13 dhjetor është më e rëndësishmja për të në karrierë. Po bëjmë gjithçka se Ardiani të ketë kushtet më të mira për ta ndjekur këtë rrugë të suksesshme”.

Ndërkohë, Krasniqi deklaroi: “Të jem i teti në botë më bën jashtëzakonisht i lumtur, por nënkupton shumë përgjegjësi. Kam boksuar për 16 vite dhe e tërë puna e madhe po paguhet. Ky është vetëm fillimi”, nënvizoi ai.

Në fund, ai shtoi: “Një duel kundër Dmitry Bivol do të ishte arritja e karrierës”.