Prishtin\u00eb, 20 korrik 2026 15:35<\/p>\n
Ka d\u00ebshtuar t\u00eb mbahet seanca fillestare n\u00eb Gjykat\u00ebn Themelore n\u00eb Prishtin\u00eb ndaj gjasht\u00eb t\u00eb akuzuarve p\u00ebr ngritjen e barrikadave n\u00eb veri t\u00eb Kosov\u00ebs n\u00eb dhjetor t\u00eb vitit 2022, p\u00ebr shkak t\u00eb munges\u00ebs s\u00eb nj\u00ebrit prej t\u00eb akuzuarve dhe avokatit mbrojt\u00ebs.<\/p>\n
N\u00eb k\u00ebt\u00eb rast akuzohen Dushan Maksimoviq, Milosh Radosavljeviq, Nemanja Joloviq, Dushan Drobaq, Srdjan Vu\u00e7iniq dhe Nenad Orloviq.<\/p>\n
Gjyqtari i \u00e7\u00ebshtjes, Rrahman Beqiri, tha se n\u00eb seanc\u00eb mungoi i akuzuari Dushan Maksimoviq, i cili nuk ishte sjell\u00eb nga nj\u00ebsia e transportit, pasi gjykata ishte njoftuar paraprakisht p\u00ebr munges\u00ebn e avokatit t\u00eb tij.<\/p>\n
\u201cMungon i pandehuri Dushan Maksimoviq.<\/p>\n
Duke qen\u00eb se gjykata ka qen\u00eb e njoftuar q\u00eb n\u00eb m\u00ebngjes se avokati Mahmut Halimi nuk do t\u00eb jet\u00eb prezent, p\u00ebr arsyet q\u00eb do t\u2019i themi, at\u00ebher\u00eb gjykata ka njoftuar nj\u00ebsin\u00eb e transportit q\u00eb t\u00eb mos sillet, me q\u00ebllim t\u00eb ekonomizimit t\u00eb procedur\u00ebs. Mungon avokati Mahmut Halimi, p\u00ebrmes parashtres\u00ebs e ka njoftuar gjykat\u00ebn se nuk do t\u00eb jet\u00eb i pranish\u00ebm me arsyetimin se n\u00eb t\u00eb nj\u00ebjt\u00ebn koh\u00eb e ka t\u00eb caktuar nj\u00eb seanc\u00eb n\u00eb Mitrovic\u00eb, rast ky me mas\u00eb t\u00eb paraburgimit dhe i caktuar shum\u00eb koh\u00eb m\u00eb par\u00eb\u201d, tha ai.<\/p>\n
Beqiri tha se mungon edhe i akuzuari Nemanja Joloviq, p\u00ebr t\u00eb cilin ftesa \u00ebsht\u00eb kthyer e pador\u00ebzuar, nd\u00ebrsa Policia e Kosov\u00ebs ka njoftuar se sipas fqinj\u00ebve ai \u00ebsht\u00eb shp\u00ebrngulur n\u00eb Serbi.<\/p>\n
\u201cMungon edhe i pandehuri Nemanja Joloviq. T\u00eb nj\u00ebjtit gjykata i ka d\u00ebrguar ftes\u00eb t\u00eb rregullt, zarfi i mbyllur \u00ebsht\u00eb kthyer n\u00eb gjykat\u00eb me konstatimin se ky person \u00ebsht\u00eb shp\u00ebrngulur. Duke qen\u00eb se e ka nd\u00ebrruar adres\u00ebn, gjykata p\u00ebr t\u00eb nj\u00ebjtin ka l\u00ebshuar urdh\u00ebres\u00eb p\u00ebr ta sjell\u00eb me detyrim, ku Policia e Kosov\u00ebs me dat\u00eb 16.07.2026 e ka njoftuar gjykat\u00ebn se kan\u00eb shkuar ta ekzekutojn\u00eb urdh\u00ebres\u00ebn, mir\u00ebpo banesa \u00ebsht\u00eb e mbyllur, nd\u00ebrsa nga kontakti me fqinj\u00ebt policia \u00ebsht\u00eb njoftuar se ky person \u00ebsht\u00eb shp\u00ebrngulur p\u00ebr Serbi\u201d, tha ai.<\/p>\n
Sipas gjyqtarit, p\u00ebr shkak se avokati i m\u00ebparsh\u00ebm i Joloviqit kishte revokuar autorizimin, gjykata ka caktuar nj\u00eb mbrojt\u00ebse t\u00eb re sipas rekomandimit t\u00eb Od\u00ebs s\u00eb Avokat\u00ebve.<\/p>\n
\u201cDuke qen\u00eb se avokati q\u00eb ka mbrojtur k\u00ebt\u00eb t\u00eb pandehur m\u00eb her\u00ebt e ka revokuar autorizimin, at\u00ebher\u00eb gjykata ka k\u00ebrkuar nga Oda e Avokat\u00ebve t\u00eb rekomandoj\u00eb nj\u00eb avokat q\u00eb do ta mbroj\u00eb k\u00ebt\u00eb t\u00eb pandehur. Sipas rekomandimit t\u00eb Od\u00ebs \u00ebsht\u00eb caktuar avokatja Donjeta Leka, e cila sot \u00ebsht\u00eb e pranishme n\u00eb seanc\u00eb\u201d, tha ai.<\/p>\n
Prokurori i rastit, Admir Shala, propozoi q\u00eb procedura ndaj Nemanja Joloviqit t\u00eb ve\u00e7ohet, n\u00eb m\u00ebnyr\u00eb q\u00eb procesi t\u00eb vazhdoj\u00eb ndaj t\u00eb akuzuarve t\u00eb tjer\u00eb.<\/p>\n
\u201cDuke pasur parasysh se i nj\u00ebjti nuk i \u00ebsht\u00eb p\u00ebrgjigjur as ftes\u00ebs s\u00eb Prokuroris\u00eb, ndoshta p\u00ebr ekonomizimin e procedur\u00ebs duhet t\u00eb ve\u00e7ohet procedura ndaj tij, n\u00eb m\u00ebnyr\u00eb q\u00eb t\u00eb vijoj\u00eb procesi me t\u00eb tjer\u00ebt\u201d, tha ai.<\/p>\n
\u201cN\u00eb munges\u00eb t\u00eb avokatit Halimi, gjykata konstaton se nuk jan\u00eb plot\u00ebsuar kushtet ligjore q\u00eb t\u00eb vazhdohet tutje. Andaj nxjerr aktvendim, shtyhet seanca\u201d, tha ai.<\/p>\n
Nd\u00ebr t\u00eb akuzuarit n\u00eb k\u00ebt\u00eb rast \u00ebsht\u00eb edhe Dushan Maksimoviq, i d\u00ebnuar p\u00ebr sulmin terrorist n\u00eb Banjsk\u00eb.<\/p>\n
Prokuroria Speciale e Kosov\u00ebs ka ngritur aktakuz\u00eb ndaj gjasht\u00eb t\u00eb akuzuarve, t\u00eb cil\u00ebt dyshohen p\u00ebr ngritjen e barrikadave n\u00eb komunat veriore t\u00eb Kosov\u00ebs nga 10 deri m\u00eb 29 dhjetor 2022.<\/p>\n
Sipas aktakuz\u00ebs, ata, \u201cduke vepruar n\u00eb bashk\u00ebkryerje dhe p\u00ebrmes p\u00ebrdorimit t\u00eb forc\u00ebs dhe dhun\u00ebs, kan\u00eb penguar institucionet e Republik\u00ebs s\u00eb Kosov\u00ebs n\u00eb vendosjen e rendit kushtetues, ushtrimin e autoritetit shtet\u00ebror dhe kryerjen e detyrave zyrtare n\u00eb k\u00ebto komuna\u201d.<\/p>\n
Prokuroria thot\u00eb se t\u00eb akuzuarit kan\u00eb bllokuar rrug\u00ebt kryesore me mjete t\u00eb r\u00ebnda, p\u00ebrfshir\u00eb kamion\u00eb t\u00eb mbushur me zhavorr, ekskavator\u00eb, autoambulanca, autobus\u00eb dhe automjete t\u00eb tjera.<\/p>\n
Ata akuzohen p\u00ebr veprat penale \u201cBashkim p\u00ebr veprimtari kund\u00ebrkushtetuese me q\u00ebllim t\u00eb sulmit kund\u00ebr rendit kushtetues t\u00eb Republik\u00ebs s\u00eb Kosov\u00ebs\u201d dhe \u201cPengim i personit zyrtar n\u00eb kryerjen e detyr\u00ebs zyrtare\u201d.<\/p>\n
Ngjarjet lidhen me tensionet e dhjetorit 2022 n\u00eb veri t\u00eb Kosov\u00ebs, kur m\u00eb 6 dhjetor u sulmuan me mjete shp\u00ebrthyese zyrat e Komisionit Qendror t\u00eb Zgjedhjeve n\u00eb Mitrovic\u00ebn e Veriut, nd\u00ebrsa m\u00eb 9 dhjetor u arrestua ish-pjes\u00ebtari i Policis\u00eb s\u00eb Kosov\u00ebs, Dejan Pantiq, n\u00eb pik\u00ebn kufitare n\u00eb Jarinj\u00eb.<\/p>\n
Pas arrestimit t\u00eb tij, serb\u00ebt lokal\u00eb ngrit\u00ebn barrikada n\u00eb veri, t\u00eb cilat u hoq\u00ebn m\u00eb 29 dhjetor, pasi masa e siguris\u00eb ndaj Pantiqit u ndryshua nga paraburgim n\u00eb arrest sht\u00ebpiak.<\/p>\n
P\u00ebr sulmin ndaj zyrave t\u00eb KQZ-s\u00eb, n\u00eb vitin 2025 jan\u00eb d\u00ebnuar me gjithsej 12 vjet burgim tre persona, duke p\u00ebrfshir\u00eb edhe ish-policin e Kosov\u00ebs, Dejan Pantiq.<\/p>\n","protected":false},"excerpt":{"rendered":"
Prishtin\u00eb, 20 korrik 2026 15:35 Ka d\u00ebshtuar t\u00eb mbahet seanca fillestare n\u00eb Gjykat\u00ebn Themelore n\u00eb Prishtin\u00eb ndaj gjasht\u00eb t\u00eb akuzuarve p\u00ebr ngritjen e barrikadave n\u00eb<\/p>\n","protected":false},"author":7,"featured_media":58102,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[60],"tags":[],"class_list":["post-58101","post","type-post","status-publish","format-standard","has-post-thumbnail","hentry","category-shoqerore-sq"],"yoast_head":"\n