{"id":23534,"date":"2025-12-10T20:37:05","date_gmt":"2025-12-10T19:37:05","guid":{"rendered":"https:\/\/veritasinfo.org\/?p=23534"},"modified":"2025-12-10T20:41:32","modified_gmt":"2025-12-10T19:41:32","slug":"kurti-te-akuzuarit-per-sulmin-ne-iber-lepenc-jane-pjese-e-strukturave-ilegale-serbe-dhe-te-lidhur-me-radoiciqin","status":"publish","type":"post","link":"https:\/\/veritasinfo.org\/?p=23534","title":{"rendered":"Kurti: T\u00eb akuzuarit p\u00ebr sulmin n\u00eb Ib\u00ebr\u2013Lepenc jan\u00eb pjes\u00eb e strukturave ilegale serbe dhe t\u00eb lidhur me Radoi\u00e7iqin"},"content":{"rendered":"

Prishtin\u00eb, 10 dhjetor 2025 20:35<\/strong><\/p>\n

Kryeministri n\u00eb detyr\u00eb i Kosov\u00ebs, Albin Kurti, ka reaguar pasi Prokuroria Speciale e Republik\u00ebs s\u00eb Kosov\u00ebs ka ngritur aktakuz\u00eb ndaj tre personave lidhur me shp\u00ebrthimin terrorist n\u00eb kanalin e Ib\u00ebr-Lepencit, t\u00eb ndodhur m\u00eb 29 n\u00ebntor 2024.<\/p>\n

Kurti theksoi se hetimet jan\u00eb realizuar pas nj\u00eb bashk\u00ebpunimi t\u00eb ngusht\u00eb mes institucioneve t\u00eb inteligjenc\u00ebs dhe siguris\u00eb s\u00eb Kosov\u00ebs dhe FBI-s\u00eb nga Shtetet e Bashkuara t\u00eb Amerik\u00ebs.<\/p>\n

Sipas tij, t\u00eb akuzuarit kan\u00eb qen\u00eb n\u00eb vendin e ngjarjes nat\u00ebn kritike dhe jan\u00eb pjes\u00eb e strukturave ilegale t\u00eb Serbis\u00eb, t\u00eb lidhura me terroristin Millan Radoi\u00e7iq dhe struktura t\u00eb tjera shtet\u00ebrore serbe q\u00eb planifikuan dhe urdh\u00ebruan sulmin.<\/p>\n

Postimi i plot\u00eb i kryeminstrit Kurti:<\/p>\n

\u201cPas nj\u00eb bashk\u00ebpunimi t\u00eb shk\u00eblqyer, hetimi t\u00eb suksessh\u00ebm t\u00eb kryer nga institucionet relevante t\u00eb inteligjenc\u00ebs dhe siguris\u00eb, Prokuroria Speciale e Republik\u00ebs s\u00eb Kosov\u00ebs, me dat\u00eb 8 dhjetor 2025, ka ngritur aktakuz\u00eb ndaj tre personave lidhur me shp\u00ebrthimin terrorist n\u00eb kanalin e Ib\u00ebr-Lepencit t\u00eb dat\u00ebs 29 n\u00ebntor 2024.<\/p>\n

Si\u00e7 e kam th\u00ebn\u00eb n\u00eb konferenc\u00ebn e jasht\u00ebzakonshme, pak or\u00eb pas shp\u00ebrthimit t\u00eb kanalit, n\u00eb baz\u00eb t\u00eb informacioneve q\u00eb kam marr\u00eb nga institucionet e siguris\u00eb, sulmi ka ardhur nga Serbia, fqinji yn\u00eb verior, agresiv e armiq\u00ebsor.<\/p>\n

Tashm\u00eb \u00ebsht\u00eb n\u00eb rrug\u00eb t\u00eb mbar\u00eb hetimi i k\u00ebtij rasti, ku jan\u00eb siguruar prova se pik\u00ebrisht tre serb\u00ebt e akuzuar ishin n\u00eb vendin e ngjarjes nat\u00ebn kritike, p\u00ebr \u00e7\u2019gj\u00eb fal\u00ebnderoj institucionet p\u00ebrkat\u00ebse t\u00eb Republik\u00ebs s\u00eb Kosov\u00ebs dhe FBI-n\u00eb nga Shtetet e Bashkuara t\u00eb Amerik\u00ebs p\u00ebr pun\u00ebn profesionale t\u00eb kryer n\u00eb k\u00ebt\u00eb rast.<\/p>\n

Mund t\u2019ju siguroj se, n\u00eb baz\u00eb t\u00eb informacioneve t\u00eb inteligjenc\u00ebs, t\u00eb akuzuarit kan\u00eb qen\u00eb pjes\u00eb e strukturave ilegale t\u00eb Serbis\u00eb dhe jan\u00eb n\u00eb mesin e t\u00eb p\u00ebrfshir\u00ebve n\u00eb realizim t\u00eb sulmit.<\/p>\n

Procesi gjyq\u00ebsor do ta d\u00ebshmoj\u00eb se t\u00eb akuzuarit ishin pjes\u00eb e strukturave ilegale t\u00eb Serbis\u00eb, t\u00eb lidhur ngusht\u00eb me mikun e Vu\u00e7iqit, terroristin Millan Radoi\u00e7iq, dhe strukturat tjera shtet\u00ebrore t\u00eb Serbis\u00eb q\u00eb planifikuan dhe urdh\u00ebruan sulmin terrorist.<\/p>\n

P\u00ebrkund\u00ebr faktit se Beogradi zyrtar mohonte p\u00ebrgjegj\u00ebsin\u00eb dhe u angazhua fuqish\u00ebm p\u00ebrmes veprimeve hibride n\u00eb dezinformimin e opinionit, duke ngritur dyshime nga m\u00eb t\u00eb ndryshmet p\u00ebr p\u00ebrgjegj\u00ebsit apo motivet e aktit terrorist, aktakuza e ngritur dhe epilogu i rastit, pa fije dyshimi, do t\u00eb konfirmojn\u00eb t\u00eb dh\u00ebnat dhe vler\u00ebsimet e institucioneve t\u00eb Republik\u00ebs s\u00eb Kosov\u00ebs, t\u00eb cilat me siguri t\u00eb plot\u00eb i kam th\u00ebn\u00eb edhe m\u00eb par\u00eb n\u00eb dy konferenca p\u00ebr medie (m\u00eb 29.11.2024: https:\/\/kryeministri.rks-gov.net\/…\/adresimi-i…\/<\/a> dhe m\u00eb 24.12.2024: https:\/\/kryeministri.rks-gov.net\/…\/adresimi-i-plote-i…\/<\/a>) si dhe gjat\u00eb vizit\u00ebs n\u00eb Varag\u00eb t\u00eb nes\u00ebrmen (https:\/\/www.facebook.com\/share\/p\/1AaYQ1whaq\/?mibextid=wwXIfr<\/a>).<\/p>\n

Integriteti territorial, sovraniteti i shtetit ton\u00eb, sundimi i rendit dhe ligjit p\u00ebr t\u00eb gjith\u00eb qytetar\u00ebt pa dallim, jan\u00eb vlera jetike p\u00ebr t\u00eb cilat angazhohemi dit\u00eb e nat\u00eb dhe p\u00ebr t\u00eb cilat nuk do t\u00eb ndalemi asnj\u00ebher\u00eb. Rasti i fundit d\u00ebshmon q\u00eb n\u00eb Kosov\u00eb nuk kalon pa nd\u00ebshkim terrorizmi, sado perfid t\u00eb jet\u00eb, dhe nuk mund t\u00eb kaloj\u00eb pa u v\u00ebrejtur dhe dekonstruktuar dezinformimi.<\/p>\n

Fal\u00ebnderojm\u00eb institucionet e siguris\u00eb, partner\u00ebt nd\u00ebrkomb\u00ebtar\u00eb n\u00eb krye me ShBA-t\u00eb, institucionet, aktor\u00ebt tjer\u00eb dhe qytetar\u00ebt, p\u00ebr kontributin q\u00eb po ofrojn\u00eb p\u00ebr nj\u00eb Kosov\u00eb gjithnj\u00eb e m\u00eb t\u00eb sigurt e paq\u00ebsore, m\u00eb t\u00eb fuqishme n\u00eb aspektin ekonomik, ligjor, integrues dhe demokratik\u201d.<\/p>\n