{"id":2273,"date":"2025-07-02T12:47:14","date_gmt":"2025-07-02T10:47:14","guid":{"rendered":"https:\/\/veritasinfo.org\/?p=2273"},"modified":"2025-07-02T13:05:04","modified_gmt":"2025-07-02T11:05:04","slug":"gjykimi-ndaj-te-akuzuarit-per-terrorizem-palet-japin-fjalet-perfundimtare","status":"publish","type":"post","link":"https:\/\/veritasinfo.org\/?p=2273","title":{"rendered":"Gjykimi ndaj t\u00eb akuzuarit p\u00ebr terroriz\u00ebm, pal\u00ebt japin fjal\u00ebt p\u00ebrfundimtare"},"content":{"rendered":"

Prishtin\u00eb, 02 Korrik 2025<\/p>\n

\n
Gjykimi ndaj t\u00eb akuzuarit p\u00ebr pjes\u00ebmarrje n\u00eb grupin terrorist ISIS, Blerim Syla i \u00ebsht\u00eb afruar fundit me dh\u00ebnien e fjal\u00ebve p\u00ebrmbyll\u00ebse n\u00eb seanc\u00eb, m\u00eb 03.04.2025.<\/div>\n<\/header>\n

Prokuroria Speciale (PSRK) dhe mbrojt\u00ebsi i t\u00eb akuzuarit kan\u00eb paraqitur pretendimet e tyre lidhur me k\u00ebt\u00eb rast.<\/main>Nga PSRK Habibe Salihu ka k\u00ebrkuar q\u00eb i akuzuari t\u00eb d\u00ebnohet sipas Ligjeve n\u00eb fuqi, pasi nga provat e administruara \u00ebsht\u00eb v\u00ebrtetuar n\u00eb t\u00ebr\u00ebsi fakti se i nj\u00ebjti kishte marr\u00eb pjes\u00eb n\u00eb grupin terrorist ISIS.<\/p>\n

\u201cGjat\u00eb shqyrtimeve t\u00eb mbajtura jan\u00eb administruar provat nga t\u00eb cilat pa m\u00ebdyshje \u00ebsht\u00eb v\u00ebrtetuar q\u00eb Blerim Syla, me q\u00ebllim q\u00eb t\u2019i bashkohet ISIS-it m\u00eb 13.11.2013, ka udh\u00ebtuar n\u00eb Stamboll dhe \u00ebsht\u00eb v\u00ebrtetuar q\u00eb nga aty ka shkuar n\u00eb Hatai p\u00ebr t\u00eb vazhduar n\u00eb Siri, ku m\u00eb pas i nj\u00ebjti \u00ebsht\u00eb vendosur n\u00eb Qend\u00ebr St\u00ebrvitore.\u201d \u2013 elaboroi fjal\u00ebn p\u00ebrfundimtare prokurorja Salihu.<\/p>\n

Prokurorja m\u00eb tutje shtoi se nga provat e tjera, si\u00e7 jan\u00eb mesazhet telefonike q\u00eb i akuzuari i ka shk\u00ebmbyer me familjar\u00ebt e tij, v\u00ebrtetohet ku kishte qen\u00eb i nj\u00ebjti, me k\u00eb kishte qen\u00eb dhe informacione p\u00ebr persona t\u00eb tjer\u00eb t\u00eb cil\u00ebt gjendeshin aty.<\/p>\n

Fjal\u00ebn p\u00ebrfundimtare p\u00ebr k\u00ebt\u00eb rast e ka dh\u00ebn\u00eb edhe avokati i t\u00eb akuzuarit Syla, Besnik Berisha.<\/p>\n

Avokati i t\u00eb akuzuarit Syla k\u00ebrkoi q\u00eb t\u00eb lirohet nga akuza klienti i tij, duke th\u00ebn\u00eb q\u00eb t\u00eb shikohet p\u00ebrtej statistikave dhe premtimeve q\u00eb ishin dh\u00ebn\u00eb dikur, lidhur me rastin e shkuarjes s\u00eb kosovar\u00ebve n\u00eb Siri.<\/p>\n

Tutje, ai k\u00ebrkoi q\u00eb n\u00eb rast se Trupi Gjykues merr Vendim tjet\u00ebr pos lirimit nga akuza t\u00eb merren p\u00ebr baz\u00eb rrethanat, si mosha, gjendja familjare dhe t\u00eb tjera.<\/p>\n

\u201cJu lus q\u00eb p\u00ebrtej statistikave e p\u00ebrtej premtimeve q\u00eb jan\u00eb dh\u00ebn\u00eb dikur, e q\u00eb Drejt\u00ebsia i ka p\u00ebrqafu, se ka qen\u00eb momenti, ta lironi Blerimin Syl\u00ebn p\u00ebr terroriz\u00ebm, n\u00ebse ju nuk pajtoheni me mua, e q\u00eb interpretimet e mia mund t\u00eb jen\u00eb retorik\u00eb mbrojt\u00ebse, ju kisha lutur q\u00eb ta keni parasysh mosh\u00ebn, familjen, prind, q\u00eb si i ri ka punu prej dit\u00ebs s\u00eb par\u00eb pa shku n\u00eb Siri, dhe q\u00eb familja e tij i kan\u00eb syt\u00eb n\u00eb Blerimin. Blerimi nga dita kur \u00ebsht\u00eb ekstradu nga Maqedonia, p\u00ebr t\u00eb cil\u00ebn ka bo K\u00ebrkes\u00eb vullnetare me kthy ma shpejt, e deri sot s\u2019kemi bo K\u00ebrkes\u00eb p\u00ebr nd\u00ebrprerjen e paraburgimit, se kemi dasht\u00eb me i dhan\u00eb fund gjykimit.\u201d \u2013 tha avokati i t\u00eb akuzuarit Syla.<\/p>\n

Avokati i t\u00eb akuzuarit n\u00eb fjal\u00ebn p\u00ebrfundimtare atakoi provat q\u00eb Prokuroria pretendon se i ka ndaj Syl\u00ebs \u2013 duke e konsideruar si t\u00eb jasht\u00ebligjshme dhe kund\u00ebrkushtetuese nxjerrjen e transkriptit t\u00eb mesazheve telefonike, p\u00ebr t\u00eb cilat tha se nuk ka asgj\u00eb inkriminuese n\u00eb to.<\/p>\n

\u201cTranskriptet e SMS-ve p\u00ebr zotrin\u00eb Syla, t\u00eb gjitha bashk\u00eb e secila ve\u00e7 e ve\u00e7 e konfirmojn\u00eb vet\u00ebm nj\u00eb fakt, q\u00eb jan\u00eb t\u00eb kund\u00ebrligjshme dhe jokushtetuese, se Blerimi ka udh\u00ebtu p\u00ebr n\u00eb Siri dhe q\u00eb nuk ka mb\u00ebrri n\u00eb Siri, e q\u00eb nana thirri e tha kthehu para Vitit t\u00eb Ri.\u201d \u2013 tha avokati i t\u00eb akuzuarit Syla.<\/p>\n

K\u00ebt\u00eb rast jan\u00eb duke e gjykuar Ngadhnjim Arrni, Kujtim Krasniqi dhe Kushtrim Shyti.<\/p>\n

\u00c7far\u00eb thot\u00eb Dosja e Prokuroris\u00eb?<\/strong><\/p>\n

Sipas Aktakuz\u00ebs s\u00eb Prokuroris\u00eb Speciale t\u00eb Kosov\u00ebs, Blerim Syla akuzohet p\u00ebr pjes\u00ebmarrje n\u00eb grupe terroriste dhe at\u00eb n\u00eb grupin terrorist ISIS.<\/p>\n

Sipas Prokuroris\u00eb Syla, m\u00eb 03.11.2013, kishte udh\u00ebtuar n\u00eb Stamboll t\u00eb Turqis\u00eb p\u00ebr t\u00eb shkuar pastaj n\u00eb qytetin e Hatait.<\/p>\n

Rrug\u00ebtimi i Syl\u00ebs, sipas Prokuroris\u00eb, nuk kishte mbaruar me kaq, pasi q\u00eb i nj\u00ebjti m\u00eb pas kishte vazhduar rrug\u00ebn p\u00ebr n\u00eb qytetin Hatai t\u00eb Turqis\u00eb, me destinacion t\u00eb fundit qytetin Azra t\u00eb Siris\u00eb.<\/p>\n

Arritja e Syl\u00ebs nuk ishte e rast\u00ebsishme, pasi q\u00eb sipas Prokuroris\u00eb ai ishte vendosur n\u00eb nj\u00eb Qend\u00ebr St\u00ebrvitore, ku kishte kryer ushtrime n\u00eb nj\u00eb nga qytetet e Siris\u00eb.<\/p>\n

St\u00ebrvitjet p\u00ebr gjuajtje me arm\u00eb i kishte b\u00ebr\u00eb p\u00ebr angazhim dhe pjes\u00ebmarrje n\u00eb luftime dhe sipas Prokuroris\u00eb i akuzuari kishte q\u00ebndruar p\u00ebr tre muaj n\u00eb Siri.<\/p>\n

M\u00eb 17.05.2014, Syla kishte marr\u00eb rrug\u00ebn p\u00ebr t\u2019u kthyer n\u00eb Kosov\u00eb. (N\u00eb fjal\u00ebn p\u00ebrfundimtare prokurorja speciale Habibe Salihu ka b\u00ebr\u00eb precizimin e Aktakuz\u00ebs, ku dat\u00ebn e cekur e ka hequr nga Dispozitivi i Aktakuz\u00ebs dhe e ka shtuar me fjalin\u00eb \u201cDeri kur \u00ebsht\u00eb kthyer n\u00eb Kosov\u00eb\u201d).<\/p>\n

Veprime k\u00ebto t\u00eb Blerim Syl\u00ebs q\u00eb sipas Prokuroris\u00eb kan\u00eb konsumuar elementet e vepr\u00ebs penale \u201cpjes\u00ebmarrje n\u00eb grupe terroriste\u201d.<\/p>\n

P\u00ebr vepr\u00ebn e specifikuar si m\u00eb lart sipas Kodit t\u00eb vjet\u00ebr Penal me t\u00eb cilin do t\u00eb gjykohet i akuzuari d\u00ebnohet nga 5 vjet d\u00ebnim me burg deri n\u00eb 10 vjet.<\/p>\n

\u201cKushdo q\u00eb merr pjes\u00eb n\u00eb veprimtarit\u00eb e grupit terrorist d\u00ebnohet me burgim prej pes\u00eb (5) deri n\u00eb dhjet\u00eb (10) vjet.\u201d \u2013 thot\u00eb Paragrafi me t\u00eb cilin akuzohet Blerim Syla.<\/p>\n

Lidhur me veprime t\u00eb ngjashme, ku qytetar\u00eb t\u00eb Kosov\u00ebs i ishin bashkuar grupeve t\u00eb caktuara p\u00ebr t\u00eb luftuar n\u00eb Siri, Gjykata e Prishtin\u00ebs kishte trajtuar dhjet\u00ebra raste.<\/p>\n

Syla kishte qen\u00eb duke u gjykuar s\u00eb bashku me disa persona t\u00eb tjer\u00eb, por procedura ndaj tij ishte ve\u00e7uar, pasi i nj\u00ebjti ka qen\u00eb n\u00eb arrati q\u00eb nga viti 2015, nd\u00ebrsa i nj\u00ebjti \u00ebsht\u00eb sjell\u00eb n\u00eb Kosov\u00eb p\u00ebrmes procedur\u00ebs s\u00eb ekstradimit nga shteti i Maqedonis\u00eb s\u00eb Veriut.<\/p>\n

 <\/p>\n

 <\/p>\n